1. Accueil
  2. Comunicación
  3. Resoluciones

Resoluciones

Escuchar
Erabakia. Horren bidez, Nafarroako Gobernua premiatzen da beharrezkoak diren urratsak egin ditzan 2008ko urtarrilaren 1etik aurrera Foru Komunitateko herritarrei AP-15 autobidea bere ibilbide osoan doan erabiltzea ahalbidetzeko

"Nafarroako Parlamentuak Nafarroako Gobernua premiatzen du behar diren urratsak egin ditzan Nafarroako Foru Komunitateko herritarrei ahalbidetzeko AP-15 autobidea bere ibilbide osoan doan erabiltzea 2008ko urtarrilaren 1etik aurrera, hala emakida erreskatatuz, nola, bestela, Nafarroako herritarrentzako sistema orokor bat ezarriz bidesariaren zenbatekoaren adinako zerga-arintzea modu automatikoan gauzatuko diena bide hori erabiltzeko unean bertan."

[25/10/2007]
Erabakia. Horren bidez, Nafarroako Gobernua premiatzen da lehenbailehen bete dezan apirilaren 10eko 189/2007 epaia, Bideko Autobiako Zizur Nagusiko errotulazio elebidunari buruzkoa

"1. Nafarroako Parlamentuak eskatzen dio Nafarroako Gobernuari lehenbailehen bete dezan apirilaren 10eko 189/2007 epaia, Donejakue bideko autobiako Zizur Nagusiko errotulazio elebidunari buruzkoa.

2. Nafarroako Parlamentuak eskatzen dio Nafarroako Gobernuari atzera egin dezan apirilaren 10eko 189/2007 epaiaren aurka Auzitegi Gorenean jarritako errekurtsoan.

[25/10/2007]
Erabakia. Horren bidez, Nafarroako Gobernua premiatzen da 2007ko abendua baino lehen behar den konponbidea jar dezan Tuterako Erruki Etxeko eguneko zentroa irekita egon dadin eta haren funtzionamendu araubidea normalizatu dadin, eguneko zentroa garai horr

"Nafarroako Parlamentuak Nafarroako Gobernua premiatzen du 2007ko abendua baino lehen, eguneko zentroa garai horretan ixten baita, behar den konponbidea jar dezan, zentroa irekita egon dadin eta haren funtzionamendu araubidea normalizatu dadin".

[25/10/2007]
Erabakia. Horren bidez, Nafarroako Gobernua premiatzen da gure Foru Komunitatean haurdunaldiaren borondatezko etenduraren zerbitzua izateko behar diren baliabide egokiak jar ditzan 2007ko abenduaren 31 baino lehen, betiere legean ezarritako kasuetan emaku

Nafarroako Parlamentuak Nafarroako Gobernua premiatzen du gure Foru Komunitatean haurdunaldiaren borondatezko etenduraren zerbitzua izateko behar diren baliabide egokiak jar ditzan 2007ko abenduaren 31 baino lehen, betiere legean ezarritako kasuetan emakume horiek beren eskubidea baliatu ahal izateko eta behar duten laguntza Nafarroan jaso ahal izateko.

[03/10/2007]
Erabakia. Horren bidez, Nafarroako Gobernua premiatzen da A-15 autobidearen erabiltzaile-txartela erabiltzaileentzako kosturik gabe berritu dezan eta etxera bidal diezaien

Nafarroako Parlamentuak Nafarroako Gobernua premiatzen du, Audenasako akziodun garrantzitsua baita, A-15 autobidearen erabiltzaileei, orain arte bezala, erabiltzaile-txartela kosturik gabe berritu eta etxera bidal dakien.

[03/10/2007]