Parlamentuko Osoko Bilkurak gaur onetsi du aho batez Espainiako Gobernuari zera eskatzen dion ebazpena: “Araudia alda dezan eta bere esku dauden tresna nahiz bitarteko guztiak bere eskumenak baliatuz hobetu eta optimiza ditzan, zerga-iruzurraren aurkako borroka optimizatzeko eta hobetzeko. Hartara, ondokoak eginen ditu gutxienez ere: zerga-iruzurreko delituengatiko zigorrak gogortu; zerga arloko delituen preskripzio-epea luzatu; Informatzeko betebeharrak ezarri finantza-entitateei, paradisu fiskaletara eginiko transferentzien kasuan. Transferentzia horiei zigor fiskalak ezarri; polizia fiskal bat egituratzeko aukera aztertu; nazioarteko erakundeetan defendatzea paradisu fiskalen isolamendua eta herrialdeen arteko kapital-mugimenduen gardentasuna; koordinazioa bultzatu tributu agentzien artean, bai eta tributu agentzien, Lan Ikuskaritzaren eta Gizarte Segurantzaren Diruzaintza Nagusiaren artean ere; bere eskumeneko lege- eta arau-neurriak ezarri, pertsona juridikoen abusuzko erabilera ekiditeko; eta lurraldeen arteko eta nazioarteko iruzur-mugimenduak eta plangintzak jazarri”.

Zioen azalpenean, SN Parlamentu-taldeak bultzatutako ebazpenak “justizia, ekitatea eta zerga-bilketa” arrazoiak baliatzen ditu Estatuari “nazioarteko erakundeetan defendatzea paradisu fiskalen isolamendua eta herrialdeen arteko kapital-mugimenduan gardentasuna” eskatzeko. Gainera, informazio fiskalaren, lanekoaren, sozialaren eta ondarezkoaren “baterako analisia” egite aldera, “Tributu Agentzien, Lan Ikuskaritzaren eta Gizarte Segurantzaren Diruzaintza Nagusiaren arteko koordinazioa babes dezan” eskatzen du.

· www.parlamento-navarra.es
· Mozioaren argitalpena (NPAO, 22. zk., 2011-10-28koa)