Parlamentuko Osoko Bilkurak, UPN, SN eta PPNk alde emandako botoekin eta Nabai, Bildu eta I-Eren abstentzioekin, ebazpena onetsi du gaur Foru Komunitateko Gobernua premiatzen duena “zailtasun egoeran dauden familientzat haien seme-alabak zaindu ditzaten hazkuntzarako laguntza neurriak bultzatu ditzan”.

Onetsitako ebazpenak bigarren puntu bat du, non, halaber, Nafarroako Gobernuari eskatzen zaion “abegi eta adopzio neurrien sustapen plan bat garatu dezan, ordezko modu gisa haurdun dagoen emakumeek haurdunaldiarekin jarraitzeko aukera izan dezaten”.

Era berean, hirugarren atal batean, Foru Komunitateko Gobernua behartzen da “prebentziozko ekintzak eta hezkuntza-jarduerak ezartzera garapenaren aldi guztietan eta, bereziki, nerabezaroan informazio-neurriak eta hezkuntza-neurriak ezartzera”.

PPNk aurkeztutako mozioak azken puntu bat zuen, SN, Nabai, Bildu eta I-Ek aurka emandako botoekin baztertu zena, Nafarroako Gobernua premiatzeko “haurdun dagoen emakumeak haurdunaldia aurrera eramateko askatasuna bermatzera, bereziki nerabeen kasuan, gizarteratzeko eta txertatze soziolaboralerako neurriak hartuz”.

Zioen adierazpenean, PPNk bultzatutako ebazpenak ziurtatzen du 2010eko uztailaren 5eko en 2/2010 Osasun sexualaren, ugalketaren eta haurdunaldiaren borondatezko etenduraren Lege Organikoa indarrean sartu ondoren, Foru Komunitateko eragindako abortuen kopurua “handitu dela” eta, hartaz, “ez dela lortu bere garaian Gobernuak adierazi zuen sexu-hezkuntzaren eta ugalketa-hezkuntzaren hobekuntza”.

Proposatu duen taldeak azpimarratzen du 2010ean Nafarroan bizi diren emakumeei eragindako 855 abortuetatik (2099an baino %24,1 gehiago), Lege berria indarrean sartu ondoren eman zirela eta haien %91,93a emakumeek eskatuta izan zirela. Lege hau aplikatu aurretik, aldiz, emakumeen %91,08ak eragiteko ematen zuen arrazoia “amaren gaixotasun larria” zen.

· www.parlamento-navarra.es
· Mozioaren argitalpena (NPAO, 10.zk., 2012-01-27koa)