Nafarroako Parlamentuak abenduaren 3an ospatuko den Nafarroaren Egunerako jardueren egitaraua antolatu du. 

Azaroaren 30ean, asteazkena, Nafarroa Erreinuko altxor bibliografikoak izeneko erakusketa irekiko da (12:30etan, Atarian). Faksimileko edizioak aurkeztuko dira (kopiak edo erreprodukzio ia berdinak). 

Mintzoa argitaletxearekin batera antolatu den erakusketa horren bitartez, Nafarroako historiaren zati garrantzitsu baten berri zabaldu nahi da jatorrizko eskuizkribuak erakutsiz: artelanen gisara ikusgai jarritako lan historikoak, beren edukia azaltzen duten informazio-panelekin batera.

Abenduaren 2rako (ostirala) Paz de Ziganda ikastolako helduen koruaren kontzertua programatu da, Foru Parlamentuaren helburua baita Nafarroako hezkuntza- eta kultura-adierazpenei parte hartzeko bidea ematen jarraitzea. Kontzertua 19:00etan izanen da, Parlamentuaren egoitzako atarian. Sarrera doakoa izanen da, aldez aurretik 948 209209 telefono-zenbakira deituta, 09:00 - 15:00 bitartean.

Ekitaldi instituzional horren hasieran Nafarroako Parlamentuko lehendakariak, Ainhoa Aznárez Igarzak, bertaratutakoak agurtuko ditu.

 Nafarroaren Eguneko egitarauaren osagarri, ate irekiko bi jardunaldi eginen dira, abenduaren 2an (11:30ean, 12:30ean, 16:30ean eta 17:30ean) eta abenduaren 3an (11:30ean eta 12:30ean). Bisita doakoa izanen da. Eskaera egin daiteke 948 209209 telefono-zenbakira deituz 09:00etatik 15:00etara bitartean.