Nafarroako Kontseiluko lehendakariak Parlamentuko lehendakariari eman dio foru komunitateko aholkularitza-organo gorena denaren oroitidazkia, 2007an zehar eginiko jarduerei buruzkoa, hura arautzen duen foru legeak ezartzen duen bezala.

Nafarroako Kontseilua osatzen dute Nafarroako Gobernuko lehendakariak izendaturiko zazpi kidek, haietatik bost Nafarroako Parlamentuak proposatutakoak. Nafarroako Kontseiluaren eginkizunen artean dago Nafarroako Gobernuak foru lege aurreproiektuei buruz egin ahal dizkion kontsultei erantzutea, eta, foru lege proiektu eta proposamenei dagokienez, Nafarroako Parlamentuak egiten dizkionei. Ildo horretatik, Rubio jaunak Torres andreari eskaini dio Nafarroako Kontseilua Parlamentuarekin lankidetzan aritzea, legeen kalitatea eta Parlamentuko legegintza-erabakien teknika juridikoaren zorroztasuna hobetzen laguntzeko.