Parlamentuko Osoko Bilkurak onetsi du gaur, SN, Nabai, Bildu eta I-Ek alde emandako botoekin eta UPN eta PPNren abstentzioarekin, Nafarroako Gobernua “tresna informatiko bat finantzatzera eta garatzera” premiatzen duen ebazpena; betiere “egokien iritzitako informatika-garapeneko enpresaren bidez –Animsaren bidez, esaterako-, Toki Korporazioek, modu homogeneo batez, beren udal inbentarioak eta urteko mantentzea egin ahal ditzaten. Tresna hori kontabilitate- nahiz aurrekontu-kontrolarekin uztarturik egon beharko litzateke”.

Zioen azalpenean, Bildu-k bultzatutako ebazpena eskaera Udal Ondasunen Inbentario gaurkotuen faltan oinarritzen da; bai eta Korporazio gehienen “muga tekniko eta ekonomikoetan” ere. Izan ere, ezin diote aurre egin “beharrezkoa bezain legez bete beharrekoa” den gaurkotzeari. Comptos Ganberak txosten “gehienetan” egoera hori “nabarmendu” du.

· www.parlamento-navarra.es
· Mozioaren argitalpena (NPAO, 28. zk., 2011-11-11)