Parlamentuko Osoko Bilkurak, Socialistas de Navarra, Bildu, Aralar-Nabai eta I-E parlamentu-taldeek eta atxiki gabekoek haren alde emandako botoekin eta UPNk eta PPNk haren aurka emandako botoekin, ebazpen bat onetsi du gaur zeinaren bidez Nafarroako Gobernua premiatzen den “Nafarroako Ospitaleguneko sukaldeen titulartasuna eta kudeaketa publikoa berreskura ditzan”.

Onetsi den ebazpenak bigarren idatz-zati bat du non, halaber, Parlamentuak “Nafarroako Gobernuko Osasun Departamentuko kontseilari Marta Vera Janín andrearen dimisioa exijitzen” duen.

Zioen azalpenean, Izquierda-Ezkerra parlamentu-taldeak bultzatu duen ebazpenak Kontuen Ganberak egin zuen txostena aipatzen du. Hala, egiaztatzen du “Nafarroako ospitaleguneko sukaldeak pribatizatu izanak eragin duela zerbitzua garestiagoa izatea funts publikoentzat, eta kalitatea eskasagokoa”. Ondoren azpimarratzen du oso “ondorio kaltegarriak” ekarri dituela: “langileak kaleratuta, desordena elikadura-zerbitzuan, zailtasun gehigarriak prozesu osoan inplikatutako osasun arloko langileentzat, eta elikadura okerragoa eta garestiagoa”.

• www.parlamentodenavarra.es
• Mozioaren argitalpena (NPAO, 85. zk., 2014-07-04koa)