Parlamentuko Osoko Bilkurak gaur erabaki bat onetsi du aho batez, zeinaren bidez Nafarroako Gobernua premiatzen baita “osasun arloko jarduketa-protokoloa aktiba dezan”.

Onetsitako erabakiak bigarren puntu bat badauka, non foru gobernua premiatzen baita “gaixotasun horien arloko ikerkuntza, sentsibilizazioa eta prestakuntza berariazkoa areagotzea osasun arloko langileen nahiz elkarteko langileen artean”.

Halaber, hirugarren atal batean, Nafarroako Gobernuari eskatzen zaio “gaixotasun horiek dituzten langileentzako zerbitzu, aholku eta laguntza lerroak taxu ditzan”.

Halaber, foru gobernuari eskatzen zaio “gaixotasun kroniko horiek ezgaitzaile gisa har ditzan”.

Azkenik, eskatzen da “gaixotasun horiek minusbaliotasunen barruan –ezgaitasunak– ebalua ditzala, eta gaixo bakoitzaren beharrizanetara egokitu ditzan lanpostuak”.

UPN, Geroa Bai, EH Bildu, Podemos-Ahal Dugu eta PSN parlamentu-taldeek eta Izquierda-Ezkerra foru parlamentarien elkarteak bultzatutako erabakiaren zioen azalpenean, errekonozimendua eskatzen da populazioaren % 3 eta % 4 bitarte ukitzen duten patologia horiek ukitutako pertsonentzat; eta horietatik ehuneko 90 emakumeak direnez, esan daiteke "generoko gaixotasun bat dela, horrek ikerkuntzari, diagnostikoari eta tratamenduari dagokionez dakarren bazterketarekin eta atzerapenarekin”.

Horri dagokionez, proposamen-egileek deitoratzen dituzte lan arloko legeen eraginak, “kaleratzea errazten baitute” eta behar den arau-bermea falta duen gaixotasun baten berezko ondorioetan sakontzen dute, “denborak eta jarduerak pertsonen errealitateari egokitu behar baitzaizkie, eta ahultasun, bazterketa eta mendetasun ekonomikoko egoerak saihestu behar baitira”.

• www.nafarroakoparlamentua.eus
• Mozioa (63. NPAO, 2016-05-06koa)