Nafarroako Parlamentuko Osoko Bilkurak bi Foru Lege proposamen aintzat hartzea onetsi du gaur. Bata, Nafarroa Bai parlamentu-taldeak aurkeztu du eta Nafarroako administrazio publikoen mendeko langileei laguntza ekonomiko osagarriak ordaintzeari buruzkoada, 2012ko ekitaldian aurreikusitako erosahalmena mantentze aldera. Bestea, Bildu-Nafarroa parlamentu-taldeak aurkeztu du eta aldi baterako osagarri pertsonal bat sortzen du, 2012rako ondorioekin, erosahalmenaren galera dela-eta.

SN, NaBai, Bildu-Nafarroa eta I-E parlamentu-taldeek bi Foru Lege proposamenak aintzat hartzearen alde bozkatu dute; UPN eta PP parlamentu taldeek ordea, kontra bozkatu dute.

Bestalde, Nafarroako Parlamentuko Osoko Bilkurak aurrekontu oreka bermatzeko eta lehiakortasuna sustatzeko neurriei buruzko uztailaren 3ko 20/2012 Errege Lege-dekretuan jaso bezala, aparteko paga kentzeko agindua betetzeko neurriak hartzen dituen Foru Lege proiektuari aurkeztutako osoko zuzenketa bat bazter utzi du.

UPN eta PP parlamentu-taldeek osoko zuzenketaren kontra bozkatu dute; Bildu-Nafarroa parlamentu-taldeak alde bozkatu du; SN, NaBai eta I-E parlamentu-taldeek ez dute bozkatu.

www.parlamentodenavarra.es
Nafarroako Gobernuaren Foru Lege proiektuaren argitalpena (NPAO, 74. zk., 2012ko irailaren 21ekoa)
Foru Lege proposamenen argitalpena (NPAO, 70. zk., 2012ko irailaren 7koa)