Parlamentuko Osoko Bilkurak, SNk, Bildu-k, Aralar-Nabaik, PPNk, I-Ek eta atxiki gabekoek haren alde emandako botoekin eta UPNk haren aurka emandako botoarekin, ebazpen bat onetsi du gaur zeinaren bidez Parlamentuak adierazten duen bere “ustez komenigarria eta beharrezkoa” dela, “gizarte- nahiz ekonomia-garapenerako eta lurralde-orekarako, lehen sektorean enplegua mantentzera bideratutako politika berariazkoak egotea, bai eta enplegu horren kalitatea hobetzera bideratutakoak ere”.

Onetsi den ebazpenak bigarren-idatz zati bat du non, halaber, Nafarroako Gobernua premiatzen den “urgentziaz gara dezan berariazko programa bat, abeltzaintzan eta nekazaritzan belaunaldi-erreleboa erraztera bideratua, bai eta lan-baldintzak erraztera ustiategi txikietan, lan-ordezkapenak egin ahal izateko bidea emanez, gertakariren bat, osasun-baja, oporrak eta abar gertatzen direnean”.

PPNk hala eskatuta eta ekimenaren titular Aralar-Nabairen baimenarekin beste bi idatz-zati gehitu dira. Lehenengoan Nafarroako Gobernuari “programa burutzean nekazal sindikatuen eta lehenengo sektorearen eragile nagusienen parte-hartzea izatea” eskatzen zitzaion.

Eta bigarrenean programaren finantzazioan “2014-2020 urteetarako Landa Garapen Iraunkorrerako Programatik eratorritako funtsak erabiltzea” eskatzen zen, “dokumentu horri, beharrezkoa izatekotan, sektorean enplegua mantentzeko jarduera zehatz berriak gehituz”.

Zioen azalpenean, Aralar-Nabaik bultzatu duen mozioak lehen sektorea “etorkizunera begira ere sektore indartsua” den aldetik haren garrantzia azpimarratzen du eta jarduera horren “gizarte- eta ekonomia-errentagarritasuna” ziurtatuko duten neurriak har daitezen eskatzen du, zailtasun handiak jasaten baititu bateragarritasunari eta ustekabeko gorabeherei dagokienez, esaterako, gaixotasunak eta istripuak.

• www.parlamentodenavarra.es
• Mozioaren argitalpena (NPAO, 9. zk., 2014-01-17koa)