MAHAIAK ETA ELEDUNEN BATZARRAK GAUR –ASTEAZKENA, MAIATZAK 13– EGINIKO BILKURAN HARTUTAKO ERABAKIAK

Nafarroako Parlamentuko Mahaiak eta Eledunen Batzarrak bilkura presentziala egin dute gaur –asteazkena, maiatzak 13–, 12:00etan, eta erabaki hauek hartu dituzte:

- Mahaiak, Eledunen Batzarrari entzun ondoren, aho batez onetsi du Reactivar Navarra-Nafarroa Suspertu Planari buruzko Batzorde Berezia sortzea. Proposamena Navarra Suma, Geroa Bai, Nafarroako Alderdi Sozialista, EH Bildu, Podemos-Ahal Dugu eta I-Ek sinatu dute, eta haren helburua da Parlamentuaren "zilegitasuna eta eraginkortasuna" baliatzea, Foru Gobernuak irekitako parte-hartze prozesuan bere ekarpenarekin laguntzeko.

Ostiraleko –hilak 15–, 17:30ak arteko epe bat ireki da, Batzorde Bereziaren sustatzaileek proposamenak aurkez ditzaten Batzorde Bereziaren antolamenduari eta funtzionamenduari begira. Batzorde horren funtzionamendu-arauak, zerbitzu juridikoek egin beharrekoak, astelehenean onetsiko dira‑, ustez. Batzorde Bereziaren eraketa eta kideak izendatzeko epea zehaztuko dira, besteak beste.