Parlamentuaren Osoko Bilkurak 42.500 euroko kreditu-gehigarria eta 1.791.378 euroko kreditu berezia ematen dituen foru-legea onetsi du gaur, UPN, PSN, EH Bildu, Geroa Bai, PPN eta Contigo-Zurekin taldeen aldeko botoarekin, Talde Mistoaren aurkako botoarekin eta atxiki gabeko parlamentariaren abstentzioarekin. Ematen diren kredituen helburua da Lurralde Kohesiorako Departamentuaren; Unibertsitateko, Berrikuntzako eta Eraldaketa Digitaleko Departamentuaren eta Etxebizitzako, Gazteriako eta Migrazio Politiketako Departamentuaren finantzaketa-beharrei erantzutea.

Etxebizitzako, Gazteriako eta Migrazio Politiketako Departamentuaren finantzaketa-beharretarako kreditu-gehigarriaren zenbatekoa aurrekontuko partida honetan aplikatuko da: Hitzarmena SEI elkartearekin. Familia berrelkartzea eta migrazio-dolua (42.500 euro). Familia berrelkartzeko eta migrazio-dolurako zerbitzua partidan dagoen kredituaren (42.500 euro) kargura finantzatuko da.

Lurralde Kohesiorako Departamentuaren eta Unibertsitateko, Berrikuntzako eta Eraldaketa Digitaleko Departamentuaren finantzaketa-beharretarako kreditu bereziaren zenbatekoa aurrekontuko partida hauetan aplikatuko da, hurrenez hurren: Transferentzia Berako Udalari, NA-1310 eta NA-4410 errepideak lotzen dituen saihesbiderako (300.000 euro) eta Fundazio-ekarpena I+D Automoción y Mecatrónica fundazioari (1.491.378 euro).

Partida hauetan dagoen kredituaren kargura finantzatuko dira: Hitzarmena Berako Udalarekin, NA-1310 eta NA-4410 errepideak lotzen dituen saihesbiderako (300.000), Eskualdez gaindiko lankidetzarako proiektuentzako eta jarduerentzako dirulaguntzak (550.000), Bestelako gastuak (6.000), Azterlan eta lan teknikoak (58.450), Industriako doktore ikerlariak eta teknologia-langileak kontratatzea (270.956), Zientzia-dibulgazioa, I+D+Garen hedapena eta STEM bokazioen sustapena (8.125), Eskualdez gaindiko lankidetzarako proiektuentzako eta jarduerentzako dirulaguntzak (7.437), SINAIren agenteen I+Gko proiektuentzako laguntzak (5.666), SINAIren agenteen I+Gko ekipamendua (25.834), Software-lizentziak eta -mantentzea (20.000), Enkargua CEINi – Telekomunikazioetako eta Digitalizazioko Zuzendaritza Nagusiaren sustapenerako eta komunikaziorako laguntza (10.000), Sektore publikoaren eraldaketa digitalaren gaineko behatokia (22.500), DataNavarra 1.0: Datuen gobernantza eta kalitatea. Datuaren bulegoa (40.410), Eten digitala: diagnostikoa, ekintza-plana eta ekintza eratorriak (66.000), Planen jarraipena egiteko panela (50.000), Kontuak emateko aginte-taula (50.000) eta Eskualdez gaindiko lankidetzarako proiektuentzako eta jarduerentzako dirulaguntzak (300.000).

Nafarroako Ogasun Publikoari buruzko apirilaren 4ko 13/2007 Foru Legearen 4. artikuluak ezartzen duenez, Foru Lege bidez arautuko dira Nafarroako aurrekontu orokorrak, bai eta aparteko kredituak edo kreditu-gehigarriak emateko aurrekontu orokorretan egiten diren aldaketak ere. Horrenbestez, gastu-aurrekontuan esleitutako kreditua nahikoa ez denez, 48. artikuluarekin bat etorriz, egokia da honako Lege honen onarpena, kasu honetan irakurraldi bakarrez. Legea Nafarroako Aldizkari Ofizialean argitaratu eta hurrengo egunean sartuko da indarrean.

• www.parlamentodenavarra.es/eu
• Foru-legearen proiektuaren argitalpena (NPAO, 118. zk., 2025eko urriaren 14koa)