Desgaitasuna duten emakume eta neskatoen III. Foroaren baitako ekitaldi bat ospatuko da gaur arratsaldean Parlamentuan, Nafarroako CERMIk eta CERMI Emakumeak Fundazioak antolatuta.

Ekitaldia (18:00 atarian) Unai Hualde Parlamentuko Lehendakariak irekiko du, eta ondoren Ezpelur gaitero taldearen emanaldia, aurreskua eta Atena Fundazioko desgaitasuna duten emakumeen dantza erakustaldia eginen da.

Azaroaren 25ean ospatzen den Emakumeenganako Indarkeria Ezabatzeko Nazioarteko Egunaren karietara CERMI Emakumeak Fundazioaren manifestua irakurriko da, hiru emakume eta neskato baten eskutik.