Eledunen Batzarrak ez du onartu adierazpen instituzional bat, zeinaren bidez Emakumeen Nazioarteko Egunaren karietara Nafarroako Parlamentuak erreibindikatzen dituen feminismoak lortutako aurrerapenak eta azpimarratzen duen perspektiba feminista aplikatzen jarraitzeko beharra, egitura-desberdinkeria desagerrarazte aldera. PSN, EH Bildu, Geroa Bai eta Contigo-Zurekin talde parlamentarioek aurkeztu dute.

UPNk eta PPNk alde bozkatu dute eta Voxek aurka bozkatu du.

Errefusatutako adierazpen instituzionalak honako hau dio:

1.- Nafarroako Parlamentuak herritarrei dei egiten die egun hori dela-eta antolatzen diren ekimenetan parte har dezaten.

2.-  Berdintasun printzipioarekiko bere konpromisoa berresten du: ez dago atzera egiterik.

3.- Aitortu egiten ditu mugimendu feministaren ekarpenak eta lana, gizarte bidezko eta berdintasunezko bat lortzeko, erakundeekiko elkarrizketarako guneak sortuz.

4.- Erabaki du martxoaren 8ean morez argiztatzea bere egoitzaren fatxada.