Nafarroako Parlamentuko lehendakaria, Unai Hualde, Celia Pinedo eta Rocío Ferrezuelo Fabre Fundazioko ordezkariekin bildu da gaur goizean. Ferrezuelo Fundazioaren proiektuen koordinatzailea da eta Pinedo Garapen Jasangarrirako Helburuak 3 eta 18 urte bitarteko ikasleekin lantzeko materialaren egilea.

Bilkuran Pinedo eta Ferrezuelok material didaktikoaren berezitasunak azaldu dizkiote lehendakariari. Nafarroako Gobernuarekin lankidetzan egindako materialak ikuspegi desberdinetatik egindako (generoa, giza eskubideak, etab.) Garapen Jasangarrirako Helburuen azterketa bat (generoa, giza eskubideak, etab.) eta 80 jarduera-proposamen jasotzen ditu, 18 urtetik beherako ikasleen irakasleei zuzenduta.

"Material honek Ideas 2030 ekimenean parte-hartzera garamatza. GJHekiko konpromisoa hartzeko Fabre Fundazioaren ekimen bat da, kasu honetan berrikuntzari, garapenari, ahalduntzeari eta ikaskuntza esanguratsuari dagokienez. Nazio Batuek onartu duten gizarte-ekintzako programa bat da. Politikoki eragiteko eta aldaketa soziala bultzatzeko ikasleek proiektuak gara ditzaten dugu helburutzat”.

Pandemiak eragindako murrizketen ondorioz bertan behera geratu diren Eskola-Osoko Bilkura batean Ideas 2030 aurkeztea ezinezkoa denez, Pinedok eta Ferrezuelok talde parlamentarioekin biltzea pentsatu dute beren proiektua ezagutarazteko.

Unai Hualdek, bere aldetik, Fabreko ordezkariak zoriondu ditu egindako lanagatik, eta prest agertu da osasun egoerak ahalbidetzen duenean Parlamentuarekin lankidetzan jarduerak garatzeko.

Era berean, lehendakariak konpromisoa hartu du talde parlamentarioei eta, zehazki, Hezkuntza Batzordeko eledunei Fabreren iradokizuna helarazteko, GJHen eta 2030 Agendaren inguruko material didaktikoaren proiektuari buruzko lan-saio bat egiteko.

Fabre Fundazioa “herrien garapenean laguntzea” helburu duen erakundea da, "justizia eta gizarte ongizatea, elkartasuna eta familiari lotutako balioak bultzatuz". Proiektu guztiek gizakiarekin eta pobreziaren desagertzearekin zerikusia dute, eta horretarako, trebakuntzan eta formakuntzan oinarritzen dira diru-sarrerak sortzeko formula gisa. Helburu horrekin, garapenerako lankidetza-proiektuak egiten dituzte nazioarte mailan, Europan gizarte-ekintzako eta familiei laguntzeko jarduerak egiten dituzte, eta sentsibilizazioko, boluntariotzako eta Garapenerako jarduerak egiten dituzte.