Osasun kontseilariak, Fernando Domínguezek, ziurtatu du “Nafarroako Gobernuaren politikak bi alderdiak betetzen dituela, ludopatiaren prebentzioa batetik eta kaltetutako pertsonen arreta bestetik”, Podemos-Ahal Dugu-Orain Bairen interpelazio bati erantzunez.

Domínguezek departamentuak Osasun Publikorako Institutuaren bidez prebentzioaren arloan egin duen lana azpimarratu du, eta “alderdi hau ekimen asistentzialak bezain garrantzitsua” dela adierazi du.

Joko makinak eta Estatuaren loteriak “menperatzaile” izaten jarraitzen duten arren, azpimarratu du apustuak “indarrez sartu direla”. Apustuetan egindako gastuek “nabarmenki egin dute gora” 2012 urtetik, 44 milioi, hain zuzen ere, 2017an 74 milioi izatera iritsi arte.

2017an 340 milioi euro jokatu zirela adierazi ostean, Domínguezek gehitu du 2015ean internet bidezko jokalariak %2,5 zirela eta 2017an ehunekoa %3,5 izatera pasa zela.

“Ez da kasualitatea online jokoak alarma soziala piztu izana, baina argitu behar da ludopatia oraindik ez dela ohikoena gure inguruko adikzioen artean, baina hala ere, aurrea hartu behar diogu eta prebentziozko neurriak hartu”.

Osasun kontseilariak oroitarazi du jokoarekin zerikusia duten arazoen prebentzioa presente dagoela Droga-mendekotasunaren prebentziorako III. Planaren “atal guztietan”, eta 2019rako Nafarroako gazteen inkesta egitea aurreikusita dagoela, jokoaren inguruko edukia edukiko duela eta arlo honetako informazio eta joerak ezagutzeko aukerak zabalduko direla.

Gainera, adierazi du “adikzioen trataera integral eta berariazkoa osasun mentalaren sareari dagokiola”, eta baliabide ugari dituztela ludopatia diagnostikoa duten pertsonei “kalitatezko arreta” eskaintzeko.

Tere Sáezek (Podemos-Ahal Dugu-Orain Bai) gai honi “transbertsalki” eta “genero ikuspegiarekin” aurre egiteko apustua egin du. Gainera, defendatu du “jokoaren gaineko zergen bilketaren %1 jokoaren mendekotasunaren prebentziorako eta tratamendurako berariazko programetara bidera dadila”, baita “komunikabideek ez dezatela jokoa zuzenean edo zeharka sustatzen duen publizitaterik igorri”.

Mónica Doménechek (UPN) publizitatearen ordutegiak arautzeko deia luzatu du, alkoholarekin edo tabakoarekin egiten den bezala. Horrez gain, adierazi du ikastetxeen inguruan local hauek sortzea galarazi beharra dagoela eta adin txikikoen sarbidea kontrolatu beharko litzatekeela.

Koldo Martínezek (Geroa Bai) “alor desberdinetako prebentzioa” defendatu du, eta adierazi du “hekzuntza aldaketa eta kulturala” ezinbestekoa dela.

Asun Fernández de Garaialdek (EH Bildu) “abordatze integral” baten beharra elkarbanatu du, baita publizitatean aldaketak egitearena, sarbideena eta joko lokalen lokalizazioena ere.

Guzmán Garmendiak (PSN) adierazi du hezkuntzatik egin behar zaiola aurre arazo honi, “garai batean drogekin egin zen bezala”, eta Estatuarekin lankidetza bat sortzea defendatu du neurriak hartzeko, non Nafarroako ez duen eskumenik izango.

Ana Beltránek (PPN) salatu du ludopaten %36 adin txikikoak direnean hasten direla jokatzen, eta adierazi du kirol apustuen etxeek “ez luketela telebistan babestutako ordutegian iragartzeko askatasunik eduki behar”.

Marisa de Simónek (Izquierda-Ezkerra) aipatu du “ikastetxeen inguruetan horrelako lokalak egotea debekatu” beharko litzatekeela, baita publizitatea arautu ere, telebistako iragarkien %45 haurren ordutegian igortzen baitira.