Industria Batzordearen ustez, Nafarroako Gobernuak bete egin du Itoizko zentral hidroelektrikoa abio beltzeko azpiegitura estrategiko bihurtzera premiatzen zuen erabakia.
UPNren ekimenak uharte energetiko bat sortzea planteatzen zuen, Nafarroari ahalbidetuko diona tokiko hornidura azkar berrezartzeko, erabateko itzalaldiaren kasuan kanpoko energiaren mende egon gabe
Industriako eta Enpresen Trantsizio Ekologiko eta Digitalerako Batzordeak gaur ebatzi du PSNren, EH Bilduren eta Geroa Bairen aldeko botoekin eta UPNren, Geroa Bairen, PPNren eta talde Mistoaren aurkakoekin (berdinketa boto haztatuaren bidez ebatzi da), Nafarroako Gobernuak bete duela Itoizko zentral hidroelektrikoa abio beltzeko azpiegitura estrategiko bihurtzera premiatzen zuen erabakia, zeina talderik handienaren ekimenez onetsi baitzen.
Batzordearen gehiengoak Industria Sailak emandako azalpenak babestu ditu, izan ere, Industria Sailaren ustez, ebazpena ezin da garatu ekimena Canasari formalki eramateaz gain, Nafarroako Gobernuak ez baitu eskumenik eta euskarri juridikorik jarduera gehigarriak ezartzeko.
Zehazki, Industria Sailak uste du ez dela bideragarria Itoiz beltzean abiarazteko azpiegitura bihurtzeko prozesuan aurrera egitea, erabakia borondatezkoa delako eta CANASAri dagokiolako. Foru Exekutiboak, argudiatzen denez, ez du eskumenik Red Eléctrica Española (REE) enpresari azterlanak edo jarduketak ezartzeko, eta CANASAk berak, adierazi den bezala, muga tekniko, hidrauliko eta aurrekontukoak ikusten ditu.
Industriako eta Enpresen Trantsizio Ekologiko eta Digitalerako Batzordearen erabakia heldu da, hain zuzen ere, Erregelamendu berriaren 222. artikuluak mozioak bete ote diren kontrolatzeko prozedura arautzen duelako, halako moduan non, epe zehatzik ezarri ezean, lau hilabeteko epea ematen baitzaio Nafarroako Gobernuari agindu zaiona bete ote duen azal dezan.
Industria Departamentuak maiatzaren 18an igorri zuen ebazpenaren betetze-mailari buruzko informazioa, eta Mahiak, Eledunen Batzarrari entzun ondoren, jasotzat emanen du informazio hori hilaren 25ean.
222. artikuluan ezarritako azterketa- eta egiaztapen-mekanismoak baliatuta, UPNren industria arloko eledunak maiatzaren 4an eskatu zuen –mozioaren alde bozkatu zuen beste edozein taldek egiten ahal zuen eskaria– Industriako eta Enpresen Trantsizio Ekologiko eta Digitalerako Batzordeak azter zezala ea Osoko Bilkurak onetsitako ebazpena bete ote duen Nafarroako Gobernuak.
Aurreko legegintzaldiaren amaiera aldean Erregelamendu berria onetsi zenez geroztik, Nafarroako Parlamentuak dagoeneko maiz epaitu izan du erabaki baten betetzearen inguruan Gobernuak izan duen erantzukizuna.