Astearte honetan, urtarrilak 28, Nafarroako Parlamentuak Kontuen Ganbera berrezarri izanaren berrogeigarren urteurrena ospatzeko ekitaldia eginen da Foru Legebiltzarraren egoitzan.

Ekitaldian Kontuen Ganberaren domina Luis Ordoki Urdazi, organo fiskalizatzailearen idazkari nagusi ohiari emango zaio, eta hitza hartuko dute, hurrenez hurren, Unai Hualde Nafarroako Parlamentuko Lehendakariak, Asun Olaechea Kontuen Ganberako Lehendakariak eta María Chivite Nafarroako Gobernuko Lehendakariak.

Ekitaldia 10:00etan hasiko da Parlamentuaren atalondoan.