Legebiltzarrak 2024an diruz lagundutako Garapenerako Hezkuntzako bederatzi proiektuen aurkezpena izan da Parlamentuan gaur arratsaldean. Ekitaldia gauzatu diren ekimenak “balioan jartzeko” izan da, eta bertan parte hartu dute entitate onuradunek, zeinei Unai Hualdek eskerrak eman baitizkie hezkuntzan laguntzeko, pertsonak prestatzeko eta gizarte berdinzaleagoa eta justuagoa eraikitzeko jarreragatik.

Lehendakariak ekitaldiari hasiera eman dio 2018an ezarritako laguntzak jaso zituzten programen egile diren bederatzi GKEak. Laguntza horien xedea zen “ekintzak sustatzea, kontzientziatzea edo prestakuntza emateko hazkundean dauden herrialdeek dauzkaten problemen zergatiekin zerikusia duten alorretan.

“Ikasgeletan garatzen diren proiektuak dira, eta balio garrantzitsuak dituzte lankidetza esparru gisa hartuta, baina mezu hauek helaraziz: berdintasuna, beste herri eta egoera batzuekiko elkartasuna, ingurumena babestea, kontsumo arduratsua... Pertsonek osatzen dituzten balioak, oraina eta etorkizuna izan behar dutenak. 2030 Agenda, Garapen Jasangarrirako Helburuak, ezin dira ezerezean geratu, eta irakatsi, landu eta bete egin behar ditugu”, esan du Hualdek.

Horrela, eta azpimarratu ondoren Parlamentuak, lan parlamentarioaz gain, gazteekin ere jarduerak egiten dituela, "gure Legebiltzarra ezagutu dezaten, informazioa izan dezaten eta, batez ere, prestakuntza jaso dezaten", lehendakariak gaineratu du gaur egiten den ekitaldia "ekimen ona" dela eta aukera ematen duela zuzenean eta xehetasunez ezagutzeko Garapenerako Gobernuz Kanpoko Erakundeek ikastetxeetan egiten dituzten proiektuen gauzatzea, Parlamentuak ematen dituen laguntzei esker.

Horri dagokionez, Hualdek azpimarratu du Garapenerako Hezkuntza proiektuak egiteko Nafarroako Parlamentuaren dirulaguntzen deialdiaren zenbatekoa (112.000 euro) Ganberaren aurrekontuaren % 0,7 dela, eta horrekin Legebiltzarrak Garapenerako Laguntza Ofizialera bideratzeko ehunekoaren konpromisoa betetzen duela.

Unai Hualdek, amaitzeko, ikastetxeen, irakasleen eta GGKEen "inplikazioa" aitortu du, eta bide eman die 2024an Nafarroako Parlamentuaren laguntzarekin gauzatutako proiektuak egin dituzten entitateen ordezkariei.

Jarraian, 2024an deitutako dirulaguntzen deialdian nabarmendu ziren Garapenerako Hezkuntzako bederatzi proiektuak aurkeztu dira.

Honako hauek dira:

- Nafarroa, Aragoi eta Madrilgo Medicus Mundi GGKEa: "Gazteak eta hezkuntza ez-formala 2024”.

- Misio Salestarrak GGKEa: "Análisis crítico sobre la situación de los derechos de la infancia, especialmente en África".

- Munduko Medikuak Nafarroa GGKEa: “Sí, Saharaui bai 2024 proiektua.”

- Dunia Muso GGKEa: "Flores de Bissau: mujeres contra las violencias machistas en Guinea-Bissau".

- ONAY Herrien arteko Laguntzarako Nafarroako Erakundea GGKEa: "Impulsando la participación social para la transformación global: ParticipAcción Fase III".

- Alboan Fundazioa GGKEa: "Mugetatik haratago. Mugetatik haratago 8".

-  Nafarroako Bakea eta Elkartasuna Fundazioa GGKEa: "Despentsa globala: elikadura-sistema bidezko eta iraunkor baten aldeko eskolak".

- SETEM Nafarroa GGKEa: "Campaña Ropa Limpia: por un Consumo Responsable, Critico y Transformador de ropa y zapatos VII".

- Proclade Yanapay Fundazioa eta Sed GGKEa: “Actuamos por el clima, 3. edizioa”.

Ekitaldian parte hartu duten parlamentariak Maite Esporrín (PSN), Jabier Arza (EH Bildu) eta Blanca Regúlez (Geroa Bai) izan dira.