Parlamentuaren Osoko Bilkurak gaur aho batez onetsi duen foru lege batek 1.800.000 euroko kreditu-gehigarria ematen du Nafarroako Enplegu Zerbitzuaren ikastetxe berekien (Iturrondo eta Cenifer) prestakuntza ekintzetarako finantzaketa beharrizanak asetzeko, parte-hartzaileentzako bekak eta ekintza osagarriak barne.

Kreditu bereziaren zenbatekoa aurrekontuko partida hauetan aplikatuko da: Prestakuntza programetarako asistentzia. Sektoreko konferentzia (1.500.000 euro), Prestakuntza ekintzetarako bekak. Sektoreko konferentzia (150.000), Cenifer programetarako asistentziak. Sektoreko konferentzia (100.000) eta Prestakuntzarako ekintza osagarriak (50.000).

Honako partida honetan erabilgarri dagoen saldoaren kargura finantzatuko da kreditu-gehigarria: Lantegi-eskolen programak eta programa espezifikoak. Sektoreko konferentzia. Horrela bermatu nahi da osorik erabiliko direla Enplegu eta Lan Aferen Sektoreko Konferentziak esleitu eta Estatuak prestakuntza lanetarako transferitu zituen funtsak (12.084.797 euro). 2019aren hasieran partida hori handitu egin da, 2018an onartu ziren eta oraindik ordaindu gabe dauden konpromisoak finantzatzeko.

Partida horretako soberakina ezin denez birbanatu (13/2007 Foru Legearen 49.4 artikulua), eta erabili gabeko funtsak itzuli beharra saihesteko, kreditu-gehigarri bat onartzen da Nafarroako Ogasun Publikoari buruzko Foru Legearen 48.1 artikuluaren babesean, hor eskatzen baita bi inguruabar gertatzea: hurrengo ekitaldira arte berandutu ezin daitekeen gasturen bat ordaintzeko krediturik ez egotea, ez delako nahikoa kreditu kontsignatu edo dagoena ezin delako handitu.

Enplegu eta Lan Aferen Sektoreko Konferentziatik jasotako diru-sarrerak ematen diren urte berean erabili behar dira, apirilaren 8ko TMS/425/2019 Aginduak xedatzen duenez. Agindu horrek lan arloko dirulaguntzen lurralde-banaketa arautzen du, autonomia-erkidegoek kudea ditzaten. Horregatik guztiagatik, itzulketa eta, horrenbestez, Nafar Lansare-Nafarroako Enplegu Zerbitzuaren diru-sarreren murrizketa saihestu nahian, 1.800.000 euroko kreditu-gehigarria onartzen da, prestakuntza lanetarako esleitutako 12.084.797 euroko funtsei eusteko.

Nafarroako Ogasun Publikoari buruzko apirilaren 4ko 13/2007 Foru Legearen 4. artikuluak ezartzen duenez, foru lege bidez arautuko dira Nafarroako aurrekontu orokorrak, eta horien aldaketak ere bai, kreditu bereziak edo kreditu-gehikuntzak emateari buruzkoak badira. Beraz, gastuen aurrekontuan esleitutako kreditua nahikoa ez denez, bidezkoa da lege hori onestea, kasu honetan irakurraldi bakarrean.

• www.nafarroakoparlamentua.eus

• Foru lege proiektua (12. NPAO, 2019-09-13koa)