1.- Espainiako Gobernua eta Nafarroako Gobernuko Osasun Departamentua premiatzen dira irizpide komunak presta ditzaten araudia kontrolatzearen eta betetzearen inguruan, autonomia-erkidegoekin batera eta Osasun Sistema Nazionaleko Lurraldearteko Kontseiluan, U.47 Kirurgia Estetikoa laguntza-unitatearen baimena duten osasun zentroentzat.

2.- Bi exekutiboei eskatzen zaie pazienteei informazioa helaraz diezaieten, Kirurgia Plastiko, Konpontzaile eta Estetikoko espezialistei eta medikuntzako beste espezialistei haien espezialitatearen prestakuntza-programa ofizialeko gaitasunen arabera dagozkien gaitasun eta teknikei buruzkoa.

3.- Eskatzen da aldatzea urriaren 10eko 1277/2003 Errege Dekretua, Osasun-zentro, -zerbitzu eta -establezimenduak baimentzeari buruzko oinarri orokorrak ezartzen dituena, intrusismoa ekidite aldera eta bermatze aldera osasungintzako jarduera guztiak titulazio ofizialki aitortua duten profesionalek eginak direla.

4.- Nafarroako eta Espainiako Gobernuak premiatzen dira gure ordenamendu juridikoan jasota dagoen mediku espezialistaren tituluaren edukitza nahitaezkotzat ezar dezaten medikuntzako espezialitate guztietako lanbide-jardunerako eta horietako bakoitzari dagozkion eginkizunak betetzeko.

5.- Deia luzatzen da borroka egin dezaten medikuntzako lanbideetako espezialitate desberdinetan eragiten duen edonolako intrusismo edo sasizientziaren aurka, eta Sasiterapien Plan Nazionala garatzea.

6.- Eskatzen da zain dadila Gaixoaren autonomia eta informazio nahiz agiri klinikoen alorreko eskubide eta betebeharrak arautzen dituen azaroaren 14ko 41/2002 Legea osorik betetzen dela.

PSN talde parlamentarioak aurkeztu du. 

Aho batez onetsi da (I-Ek ez du bilkuran parte hartu). 

• Mozioaren eztabaida
• Bideotekako irudiak