1.-  Nafarroako Gobernua premiatzen da toki entitateekin, gizarte entitateekin nahiz era guztietako entitateekin lankidetzan aritzeko konpromisoa har dezan, babesik gabeko adingabeak erabat gizarteratzeko prozesuak abiarazteko.

2.-  Nafarroako Gobernuari eskatzen zaio adingabe horiek erabat gizarteratzeko garatu beharreko programak garatzen jarrai dezan.

3.- Nafarroako Parlamentuak errefusatu eta gaitzetsi egiten du jarrera arrazista, xenofobo nahiz babesik gabeko adingabeen kriminalizazioa bilatzen duen oro.

4.- Espainiako Gobernuari eskatzen zaio hartu beharreko neurriak har ditzan adingabe horiek autonomia erkidegoen artean modu ordenatu eta orekatuan banatzeko, bai eta gizarteratzeko plan nazional bat abian jar dezan ere.

5.- Nafarroako Gobernua premiatzen da adingabe hauek erabat gizarteratzeari begira, ondokoak bermatzeko nahikoak diren programa eta proiektu gara ditzan: balorazio egokia, haientzat egokiena den baliabidean ostatu ematea, mantenua, prestakuntza eta aisialdiko jarduerak.

Izquierda Ezkerra talde parlamentario mistoak aurkeztu du.

Navarra Suma, PSN, Geroa Bai, Podemos-Ahal Dugu eta I-Ek alde bozkatu dute.

EH Bildu ez da egon.