Parlamentuaren osoko bilkurak Nafarroako Gobernuko zenbait departamenturi 2023ko aurrekontuan guztira 9.788.715,24 euroko aparteko kreditua emateko Foru Legea onetsi du gaur PSNren, Geroa Bairen, EH Bilduren, Podemos-Ahal Duguren eta I-Eren aldeko botoekin eta Navarra Sumaren abstentzioarekin.

Zenbait departamenturen beharrak finantzatzeko kreditu-gehigarriaren zenbatekoa honako aurrekontu-partida hauei aplikatuko zaie: Abaurregaineko Udalarekiko hitzarmena, patata-nabea izandakoa birgaitzeko (314.000), Agoizko Udalarentzako transferentzia. Instalazio fotovoltaikoa Toki Eder udal pilotalekuan eta ikastetxeko kiroldegian (188.000), Erronkariko Udalarentzako transferentzia. Eskoletara doan oinezkoen pasealekuko zoladura, argiteria publikoa eta hiri altzariak (75.000), NA-4000. Lesaka-Eurovelon zeharkako drainatze-kanalizazio berria (100.000), Toki erakundeen kostu energetikoen igoerari aurre egiteko funts berezia (8.000.000), Fiteroko Udalarentzako dirulaguntza udal kiroldegiko ekipamendurako (7.000), Eloko Udalarentzako dirulaguntza Zubialdea Erdi Aroko zubia eta Txirria birgaitzeko (46.996), Tafallako Udalarentzako dirulaguntza: Jotaren interpretazio zentroa (25.000), Navarro Villoslada" literatura sariketa, gaztelaniaz eta euskaraz (20.000), Dantzaz Elkartearekiko hitzarmena (10.000), Luzaideko Udalarekiko hitzarmena, Populus Vasconiae eskultura multzoa egiteko eta haren inaugurazio ekitaldietarako (10.000), Nafarroako Antzerki Eskolarako dirulaguntza. Higiezinen gaineko maileguaren amortizazioa (40.000), Aralarko San Migeleko ostatua eta aterpetxea birgaitzeko azterketa/proiektua (100.000), Gizarte zerbitzu publikoak kudeatzeko enkargua Nafarroako Fundazioa-Gizain Fundazioa Izapidetze unitate mugikorrak (195.934,30), Gizarte zerbitzu publikoak kudeatzeko Nafarroako Fundazioa-Gizain Fundazioa Izapidetze unitate mugikorrak (236.784,94), Lizarrako Ostalaritza Elkartea. Erdi Aroko Astea sustatzeko, jarduerak egiteko eta inbertitzeko hitzarmena (20.000), Milagroko Udalari transferentzia: Mairuen Haitzeko aurriak eta sarbideak kontserbatu eta lehengoratzeko proiektua (100.000), Milagroko udala. Ur-galerak murrizteko, sarea digitalizatzeko eta kontagailuak digitalizatzeko jarduketak (85.000), Tokiko agintarientzako aparteko laguntza larrialdi-egoeretan ondasunetan izandako kalteengatik (200.000), Armañanzasko Udala. Mediku- Plaza kaleko 10. zenbakiko kontsultategi zaharra alokairuko etxebizitzarako egokitzea (15.000).

Aparteko kreditua honako partida hauetan erabilgarri dagoen kredituaren kargura finantzatuko da: NASUVINSA-LURSARErako transferentzia: lurraldeko proiektu estrategikoen garapena (174.000), NASUVINSArako transferentzia-Jarduera ekonomiko berrietarako azpiegituren garapena, Pirinioetako Plana (140.000), Iruña-Logroño A-12 autobiaren kanona (188.000), Erronkariko Udalarekiko Hitzarmena: eskola zaharrak egokitzea (75.000), Lesakako Udala. Lesaka-Eurovelo 0,90 kp-an zeharkako drainatze-kanalizazio berria (100.000), Toki ogasunen parte-hartze funtsari atxikitako diruzaintza gerakina (8.000.000), Fiteroko Udalarentzako dirulaguntza, udal kiroldegiko ekipamendurako (7.000), Eloko Udalarentzako dirulaguntza, Erdi Aroko Zubialdea zubia eta Txirria birgaitzeko (46.996), Tafallako Udalarentzako dirulaguntza: Jotaren interpretazio zentroa (25.000), Navarro Villoslada" literatura sariketa, gaztelaniaz eta euskaraz (20.000), Dantzaz Elkartearekiko hitzarmena (10.000), Luzaideko Udalarekiko hitzarmena, "Populus Vasconiae eskultura multzoa egiteko eta haren inaugurazio ekitaldietarako (10.000), Nafarroako Antzerki Eskolarako dirulaguntza (40.000), Aralarko San Migeleko ostatua eta aterpetxea birgaitzeko azterketa/proiektua (100.000), Erronka demografikoa (195.934,30), Erronka demografikoa (236.784,94), Lizarrako Merkatarien Elkartea. Erdi Aroko Astea sustatzeko, jarduerak egiteko eta inbertitzeko hitzarmena (20.000), Milagroko Udalari: Mairuen Haitza kontserbatu eta zaharberritzeko proiektua (100.000), Milagroko Udalari transferentzia: ur-kontsumo munizipalaren kontagailuak (85.000), A-12 Iruñea-Logroño autobidearen kanona (200.000), Armañanzasko Udalari: udal taberna eraikitzeko (15.000).

Osoko Bilkuran zazpi zuzenketa eztabaidatu eta onartu dira (2 in voce), horietako lau aho batez (1, 2, 5 eta IV 2) eta beste bi Navarra Sumaren kontrako botoarekin (3 eta IV 1).

Nafarroako Ogasun Publikoari buruzko apirilaren 4ko 13/2007 Foru Legearen 4. artikuluak ezartzen duenez, foru lege bidez arautu behar dira Nafarroako aurrekontu orokorrak, eta horien aldaketak ere bai, kreditu bereziak edo kreditu-gehikuntzak emateari buruzkoak badira. Beraz, Aurrekontuan esleitutako kreditu nahikorik ez dagoenez, bidezkoa da legea onestea, kasu honetan irakurraldi bakarrean. Legea Nafarroako Aldizkari Ofizialean argitaratu eta hurrengo egunean sartuko da indarrean.

• www.nafarroakoparlamentua.eus
• Foru lege proiektua (41. NPAO, 2023-03-14koa)