Nafarroako Parlamentuak datorren astelehenean, ekainak 6, inauguratuko du Arturo Campion Fundazioak antolatutako 50 urte, hamaika irudi erakusketa. Arturo Campion-IKA euskaltegiaren jardueraren eta eraginaren atzera begirako bilduma bat da, sortu zenetik gaur egun arte.

Erakusketaren abiatzea Unai Hualde Nafarroako Parlamentuko lehendakariaren eskutik eginen da, 12:00etan, atalondoan. Ekitaldian halaber parte hartuko du Arturo Campion Fundazioko zuzendari Nekane Otamendik.