Nafarroako Parlamentuko lehendakariak, Unai Hualdek, joan den astelehenean Eledunen Batzarrak Bularreko Minbizi Metastasikoaren Munduko Egunarekin bat egiteko onartu zuen adierazpen instituzionala irakurriz eman dio hasiera gaur kontrolerako osoko bilkurari.

Hori dela eta, Ganberaren egoitzaren aurrealdea gaixotasun hori identifikatzen duten kolorez argiztatuko da gaur gauean: arrosa (gaixotasunaren jatorriagatik), berdea (itxaropena), horia (bizitzeko gogoa) eta urdin turkesa (sendatzeagatik).

Era berean, goizean zehar gaixotasunari buruz informazioa ematen duen bideo bat emitituko da Ganberaren atalondoan.