Nafarroako Parlamentuak Espainiako Gobernua premiatzen du lurraldearen araberako sailkapena elementu objektibotzat ezar dezan plangintza elektrikoetan
Osoko Bilkurak onetsi du. 2026ko otsailaren 5ean
1.- Nafarroako Parlamentuak Espainiako Gobernua premiatzen du Sektore Elektrikoari buruzko abenduaren 26ko 24/2013 Legearen 4. artikulua (plangintza elektrikoa) alda dezan, lurraldearen araberako sailkapena elementu objektibo –eta erabakigarria– izan dadin egin beharreko plangintzetan.
2.- Nafarroako Parlamentuak Gobernu zentralari eskatzen dio 4. artikulu horren aldaketan elementu objektibagarri gisa sartzeko:
- Industriak autonomietako BPGan duen pisu portzentuala
- Industria intentsiboak autonomia bakoitzeko industria osoan duen pisu portzentuala
- Energia-ekoizpen berriztagarriak autonomia bakoitzeko energiaren azken kontsumo gordinaean duen pisu portzentuala.
Geroa Bai TPak aurkeztu du.
UPNren, EH Bilduren, eta Geroa Bairen aldeko botoekin, PSNren, PPNren eta Contigo-Zurekinen abstentzioarekin eta Talde Mistoaren eta atxiki gabeko parlamentariaren aurkakoarekin onetsi da.