Nafarroako Parlamentuak Nafarroako Gobernua premiatzen du Osasunbidea-Nafarroako Osasun Zerbitzuan xede sozialeko kontratuen erreserba handitu dezan
Eskubide Sozialetako, Ekonomia Sozialeko eta Enpleguko Batzordeak onetsi du. 2025eko urriaren 31n
1.- Nafarroako Parlamentuak Nafarroako Gobernua premiatzen du Osasunbidea-Nafarroako Osasun Zerbitzuaren zentroetako arropak alokatu, garbitu, lisatu eta errepasatzeko zerbitzuaren kontratua lizitatzen denean Kontratu Publikoei buruzko apirilaren 13ko 2/2018 Foru Legearen 36. artikuluan xedatutakoaren arabera ( arrazoi sozialengatik erreserbatutako kontratuak) eslei dadin 1. lotea: Nafarroako Ospitale Unibertsitarioa (NOU-A eta NOU-B) eta Tuterako Osasun Barrutia edo gisakoa kontratazio-bolumenaren ondorioetarako, erreserba horretatik kanpo utzita 2. lotea: Nafarroako Ospitale Unibertsitarioa (NOU-C eta NOU-D), Lizarrako Osasun Barrutia, Iparraldeko eta Ekialdeko Oinarrizko Osasun Laguntzako zentroak, Osasun Mentaleko zentroak eta Nafarroako Odol eta Ehun Bankua edo gisakoa kontratazio-bolumenaren ondorioetarako.
2.- Nafarroako Parlamentuak Foru Exekutiboari eskatzen dio legegintzaldi honetan arlo horretan lizitatuko diren kontratu guztiak % 6ra hurbiltzeko, halako moduan non areagotu eginen baita erreserbaturiko kontratazioaren bolumena, kopuru horretara heltzeko aukera errealei buruzko azterlan bat eginda. Azterlan hori 3 hilabeteko epean egin beharko da, eta Nafarroako Parlamentuan aurkeztu.
UPN talde parlamentarioak aurkeztu du.
1. puntua UPNren, PPNren eta talde Mistoaren aldeko botoekin, PSNren abstentzioarekin eta EH Bildu, Geroa Bai eta Contigo-Zurekin taldeen aurkako botoekin onetsi da.
2. puntua UPNren, EH Bilduren, Geroa Bairen, PPNren, Contigo-Zurekinen eta talde Mistoaren aldeko botoekin eta PSNren aurkako botoarekin onetsi da.