Parlamenturen osoko bilkurak mozio bat baztertu du gaur UPNren, PSNren, EH Bilduren, Geroa Bairen, PPNren eta Contigo-Zurekinen aurkako botoekin eta Voxen aldekoarekin, zeinaren bidez Nafarroako Parlamentuari eskatzen baitzitzaion “konpromisoa har zezan hizkera inklusiboa delakoaren erabilera ezabatzeko Nafarroako Parlamentuko dokumentu ofizial guztietan, bai eta legebiltzar honek zuzenean edo zeharka parte hartzen duen dokumentu, liburuxka, informazio, prentsa-ohar eta abarretan ere”.

Zioen azalpenean, Vox parlamentarien elkarteak sustatutako mozioak "gaztelaniaren erabilera zuzena" defendatzen zuen, baita "espainiarren erabilera eta ohitura linguistikoak" ere, "arrazoi ideologikoengatik, modengatik edo ondorioen ezjakintasunagatik, hizkuntza inklusiboa, gehienbat buruzagiek eta politikoek egiten dutena" zalantzan jartzeko.

Testuinguru horretan, eta haren "erabilezintasuna" dela eta, zalantzan jartzen da Administrazio Publikoaren dokumentu, komunikazio eta idatzietan hizkera hau erabiltzea, eta defendatzen da "maskulino gramatikalaren balio generikoa ezabatzea atzerapausua" dela, eta horren bidez "ohitura ortografiko eta gramatikal alternatiboak nahitaez eta arbitrarioki inposatu" nahi direla.

• www.nafarroakoparlamentua.eus
• Mozioa (5. NPAO, 2024-01-16koa)