Gaur egindako osoko bilkuran, Nafarroako Parlamentuak baztertu egin du aintzat hartzea foru lege proposamen bat, zerga batzuetan behin-behinekoz errekarguak ezartzekoa. Navarra Sumak, PSNk eta Geroa Baik aintzat hartzearen aurka bozkatu dute, Podemos-Ahal Dugu abstenitu da, eta EH Bilduk eta I-Ek alde bozkatu dute.

EH Bilduk bultzatutako lege-proposamenaren helburua zen “ezohiko diru-sarrera iturriak aktibatzea, COVID-19aren ezohiko tasa ezarriz baliabide nahikoak bermatzeko, pandemiaren ondorioz gastu-premiak aurreikusten diren diru-sarrera arruntekin bat ez datozen testuinguru batean”.

Esparru horretan, “pandemiaren ondoriozko premia sozial eta ekonomiko itzelei” erantzuteko “elkartasunez eta ardurakidetasunez”, baina baita ere “zorroztasuna, efizientzia eta eraginkortasuna harturik baliabide publikoak kudeatzeko goiburutzat”, proposatzen zen “ahalmen ekonomiko handiena duten pertsonen eta enpresen zerga-tasak aldi baterako igotzea” ondoren aipatzen diren zuzeneko zergetan: PFEZa, ondarearen gaineko zerga, oinordetzen eta dohaintzen gaineko zerga eta sozietateen gaineko zerga. Aipatutako errekarguak, “hein batean egina baina aipagarria dena”, lau urteko iraupena izanen luke, sozietateen gaineko zergaren kasuan izan ezik, ekitaldi bakarrera mugatzen baita. Kasu guztietan, urtarrilaren 1etik aurrerako ondorioekin.

Pertsona Fisikoen Errentaren gaineko Zergari (PFEZ) dagokionez, zerga-tasa likidazio-oinarri orokorraren gainean igotzea planteatzen zen. Errekargua ez litzateke aplikatuko 46.919,99 eurorainoko errentetan. Hortik aurrera, % 1ekoa izanen litzateke 61.199,99 euro arteko diru-sarrerentzat; % 2koa 61.200 eta 81.599,99 euro artekoentzat; % 3koa 81.600 eta 127.499,99 euro artekoentzat; % 4koa 127.500 eta 178.499,99 euro artekoentzat; % 5ekoa 178.500 eta 305.999,99 euro artekoentzat; eta % 6koa 306.000 eurotik gorakoentzat.

Gainera, oinarri bakar baterantz aurrera egiteko, aurrezkiaren likidazio-oinarrian zerga-tasaren beste igoera bat egitea aldarrikatzen zen. Lehen 5.999 euroak salbuetsita geratuko lirateke. 6.000 eta 9.999 euro artean, % 2ko karga izanen luke; 10.000 eta 14.999 euro artean, % 4koa; eta 15.000 eurotik aurrera, % 6koa.

Sozietateen gaineko Zergan, bestalde, kontabilitateko mozkinen zerga-tasa 2019ko ekitaldiarekin alderatuta % 10etik gora igotzea defendatzen zen. % 10 eta % 15 bitarteko irabazien kasuan, errekargua % 1ekoa izanen litzateke; % 1,5ekoa, % 16 eta % 20 bitartekoak badira; eta % 2koa, aurreko urtekoarekin alderatuta irabaziak % 20 baino gehiagokoak badira.

Ondarearen gaineko Zergari dagokionez, ezartzen zen karga horren kuota osoa, PFEZaren kuota osoarekin batera, ezin izanen zela izan azken horren zerga-oinarriaren baturaren % 85 baino handiagoa. Ondorio horietarako, ez da kontuan hartuko ondare-elementuei dagokien kuotaren zatia, baldin eta elementu horiek, beren izaera edo destinoa dela eta, ezin badituzte PFEZak kargatutako etekinak sortu.

Halaber, ez litzateke kontuan hartuko aurrezkiari dagokion zerga-oinarri bereziaren zatia, ondare-gehikuntzen eta -urritzeen ondoriozkoa, dagokionean ondare-elementuen eskualdatzeengatik edo haietan eginiko hobekuntzengatik suertaturikoen saldo positiboari, elementu edo hobekuntza horiek eskualdatze-datatik urtebete baino gehiagoko aurre-denboraz eskuratuak izanik. Era berean, ez da kontuan hartuko PFEZren kuota osoan aurrezkiaren zerga-oinarri bereziari dagokion zatia ere.

Ondarearen eta PFEZaren kuoten baturak % 85 gainditzen badu, lehenengoaren ekarpena murriztu eginen da muga horretara iritsi arte, baina murrizketa hori ezin izanen da % 65etik gorakoa izan.

PFEZaren 71. artikuluan jasotako familia-unitateen kasuan, muga horiek banaka kalkulatuko dira, aukeratu den banakako edo baterako tributazioa alde batera utzita.

Artikulu honetan xedatutakoa ez zaie aplikatuko oinordetzen eta dohaintzen gaineko zergaren mendeko errenta duten subjektu pasiboei.

Zergaren kuotatik kenduko lizateke aipatzen diren ondasun eta eskubideen balioari kuotan dagokion zati proportzionalaren % 100, gehieneko balioa milioi bat euro bitartekoa denean, eta balio horren gaindikinari dagokion zati proportzionalaren % 80.

Erregelamenduz zehaztu ahalko lirateke Enpresa-jarduera bat garatzeko beharko liratekeen ondasun, eskubide eta zorrei dagokien kenkaria aplikatu ahal izateko betebeharrak.

2020, 2021, 2222 eta 2023ko ekitaldietarako, milioi bat euro baino gehiagoko likidazio-oinarrientzat errekargu bat ezartzen zen 30. artikuluan jasotako karga-tasen gainean (beste ondasun higiezin edo eskubide batzuetatik heldu diren etekinak), halako moldez non amaierako zerga-tasak % 1,25etik % 3ra bitartekoak izanen baitziren.

Oinordetzen eta dohaintzen gaineko zergan zerga-tasaren gehikuntza bat proiektatu zen likidazio-oinarri orokorraren gainean. Según se hacía constar, sería de un 0,1% para cónyuges o miembros de una pareja estable, según su legislación específica, cuando se trate de adquisiciones mortis causa por herencia, legado o cualquier otro título sucesorio, así como de percepción de cantidades por los beneficiarios de contratos de seguro sobre la vida para caso de muerte del asegurado a que se refiere el artículo 8.ºc (bizitza aseguruetako kontratuen onuradunek jasotako diru zenbatekoak, kontratu egilea eta onuraduna pertsona ezberdinak direnean, kontratua aseguratuak egin duenean edo aseguru kolektiboa denean).

% 0,1 hori bera aplikatuko litzaieke ezkontideei edo bikote egonkor bateko kideei, beren legeria espezifikoaren arabera, dohaintza bidez edo beste edozein negozio juridikoren bidez doan eta inter vivos eskuratzen direnean, bai eta bizitzari buruzko aseguru-kontratuen onuradunek 8. artikuluko d (bizitza aseguruetako kontratuen onuradunek zenbatekoak jasotzea aseguratua bizirik dagoenean eta kontratu egilea onuraduna ez denean) eta e (aseguratua hiltzen bada, aseguruko banako kontratutik heldu diren zenbatekoak jasotzea, hura kontratu egilea ez denean) letretan aipatzen diren zenbatekoak jasotzen dituztenean ere.

Aitzitik, % 1ekoa izanen litzateke aurreko edo ondorengo zuzenei, odol bidezkoei, adoptatzaileei edo adoptatuei, dagokien likidazio-oinarriaren tarte bakoitzean, herentzia, legatu edo beste edozein oinordetza-tituluren bidezko “mortis causa” eskuraketak direnean, bai eta biziaren gaineko aseguru kontratuen onuradunek jasotako zenbatekoak direnean, aseguratuaren heriotza kasuan, 8.c) artikuluan aipatzen diren moduan.

% 0,5 aplikatuko litzaioke aurreko edo ondorengo zuzenei, odol bidezkoei, adoptatzaileei edo adoptatuei lotutako likidazio-oinarriaren tarte bakoitzari, dohaintza bidezko edo doako eta beste edozein negozio juridikoaren bidezko inter vivos eskurapenak direnean, bai eta biziaren gaineko aseguru kontratuen onuradunek jasotako zenbatekoak direnean, 8. artikuluaren d) eta e) letretan aipatzen direnak.

Azkenik, iradokitzen zen % 1 ematea aurreko eta ondorengo ahaideen likidazio-oinarriaren tarte bakoitzari; bigarren, hirugarren eta laugarren mailako albokoei; eta gradu urrunagokoei eta arrotzagoei.

• www.nafarroakoparlamentua.eus

• Foru lege proposamena (71. NPAO, 2020-06-24koa)