Nafarroako Parlamentuak asmotan du datorren asteartean, maiatzak 17, inauguratzea Giza eskubideen defendatzaile afganiarrak erakusketa, 14 Lawyers elkarteak antolatuta. Ixone Sádabak egindako argazkien bilduma bat da, zehazki, giza eskubideak defendatzen dituzten 7 afganiar abokaturen erretratuak.

Erakusketaren abiatzea Unai Hualde Nafarroako Parlamentuko lehendakariaren eskutik eginen da, 12:00etan, Atalondoan. Ekitaldian halaber parte hartuko du 14 Lawyers elkarteko lehendakari Ignacio Rodríguezek.