Nafarroako Konstituzio Historikoari buruzko jardunaldia eginen da ostiral honetan Nafarroako Parlamentuan, NUPeko Investigación I-Communitas-Institute for Advances Social Research Ikerketa Institutuarekin batera antolatuta. 10 ponentzia izanen dira.

Nafarroako Egunaren harira ospatuko den ekitaldi-programaren barruan dago jardunaldia, eta Unai Hualde Nafarroako Parlamentuko Lehendakariak, Juan Mª Sánchez-Prieto I-Communitaseko zuzendariak eta Roldán Jimeno jardunaldietako koordinatzaileak emanen diote hasiera (9:30, Erabilera Anitzeko Aretoa).

Goizeko saioan hurrengo hizlariek parte hartuko dute: Carlos Garriga (Euskal Herriko Unibertsitatea), Jean-Baptiste Busaall (Université de Paris), Mercedes Galán (Nafarroako Unibertsitatea). Eztabaida baten ostean, honako hauek jarraituko dute: Roldán Jimeno (NUP. I-Communitas), Mikel Lizarraga (NUP. I-Communitas) eta Carlos Rilova (EHU).

Arratsaldeko saioan (17:00) parte hartuko duten hizlariak dira: Amaia Álvarez (NUP), Daniel Bermejo (EHU), Juan María Sánchez-Prieto (NUP. I-Communitas) eta Juan Cruz Alli (NUP). 

Eztabaida baten ostean, Gregorio Monreal Iura Vasconiae Fundazioko lehendakariak Fernando Mikelarenaren Discursos y actitudes en torno a la Constitución histórica de Navarra y a la reintegración foral (1770-1983) liburua aurkeztuko du.