Parlamentuaren osoko bilkurak atzera bota du gaur PSNren, EH Bilduren, Geroa Bairen eta Contigo-Zurekinen aurkako botoekin, UPNren abstentzioarekin eta PPNren eta Voxek aldekoekin, “zenbait herri lanen kontratazioa dela-eta bere departamentuaren gainean dauden susmoak direla-eta” Lurralde Kohesiorako kontseilari Óscar Chivite Cornago jauna gaitzesteko proposamena.

UPNk ordezteko zuzenketa bat aurkeztu du, ekimenaren titularra den PPNk onartu ez duena, "Oscar Chivite Cornago kontseilariaren berehalako dimisioa eskatzeko, kargua hartu zuenetik Nafarroako Gobernuko Lurralde Kohesiorako Departamentuaren aurrean egindako ekintzengatik".

Zioen azalpenean, kontseilariak Belateko tunelak bikoizteko emakidari buruz emandako "azalpenetan" ikusten dituen "susmoetan" eta "ustezko irregulartasunetan" oinarritzen du PPN talde parlamentarioak bere ekimena.

Horri dagokionez, kontratazio-mahaiko kide batek Legebiltzarrean erregistratutako idazkia aipatzen zuen, besteak beste, "egi erdiak" eta interpretazio interesatuak salatzen zituena.

Era berean, obra publikoetako hainbat proiektutan izandako ustezko anomaliak aipatzen zituzten, esaterako, proiektu horietan "marka jakin bateko argiak jartzea eskatzen zela".

Proposamena egin duenak "partikular baten hitzak desitxuratzea eta faltsutzea" leporatzen zion departamentuari, "ia 650 milioi erabiltzen dituen eta garapen estrategikorako funtsezkoa den departamentu bat ezin da etengabe susmopean egon".

• www.nafarroakoparlamentua.eus
• Mozioa (52. NPAO, 2024-04-12koa)