Unai Hualde Nafarroako Parlamentuko lehendakaria Gasteizen egon da gaur Eusko Legebiltzarraren egoitzan, eta Bakartxo Tejeria presidentearekin lan-bilera egin du.

Hualdek eta Tejeriak gaurkotasuneko hainbat lan ildo eta gai jorratzeko probestu dute topaketa, eta bi legegileen zerbitzuetako arduradunekin bilera sektorial bat egin dute.

Jardunaldiaren amaieran, erakundeen opari-trukea egin ondoren, Unai Hualdek euskal legegilearen ohorezko liburuan sinatu du.