Parlamentuko osoko bilkurak mozio bat baztertu du gaur PSNren, Geroa Bairen, EH Bilduren, Podemos-Ahal Duguren eta I-Eren aurkako botoekin eta Navarra Sumaren aldekoarekin, zeinaren bidez Nafarroako Gobernua premiatzen baitzen “N-121-A errepidea 2+2 autobia/edukiera handiko errepide bihur dezan”.

Baztertutako mozioak bigarren atalean Foru Exekutiboari eskatzen zion “helburu hori lortzeko beharrezkoak diren erabaki eta jarduketa guztiak urgentziaz har eta gauzatu ditzan, 2+1 errepide bihurtzeko aurreikusitako obrak egokituz 2+2 autobia/edukiera handiko errepide bat egiteko”.

Navarra Sumak, ekimenaren titularrak ez du onartu Podemos-Ahal Duguk aurkeztu duen gehitzeko zuzenketa, eskatuz “ez dezan finantzabide bezala erabil itzaleko bidesariaren formula; izan ere, pagatu beharreko kanona Nafarroako Gobernuaren aurrekontuko gastu bateratu bihurtuta dago”.

Zioen azalpenean, Navarra Suma talde parlamentarioak sustatutako mozioak nabarmentzen du errepide hori “birdimentsionatzeko” beharra, trafiko-dentsitatea eta segurtasun nahiz egokitasun neurriak bermatuz, “Nafarroaren iparraldeak bere enpresa-jardueraren galera eten ahal izan dezan eta despopulazio-prozesuari galga jarri ahal izan diezaion, hartara produkzio-zentro bihurtu ahal izateko”.

• www.parlamentodenavarra.es

• Publicación de la moción (BOPN, n.º 60, de 11-05-2021)