1.- Nafarroako Gobernua premiatzen da Nafarroako herrietan 2030eko Agendako informazioa lortzeko, Agendaren gaineko prestakuntza eskuratzeko eta Agenda betetzeko topagunetzat har ditzan liburutegiak.

2.- Foru Exekutiboari eskatzen zaio 2030eko Agendaren departamentu arteko lantaldearen esku jar ditzan Nafarroako liburutegiak, 2030eko Agendako Garapen Jasangarriko Helburuez sentsibilizatzeko eta helburu horien hedapena egiteko espazio gisa.

3.- Gobernuari eskatzen zaio herritarrak arlo digitalean prestatzeko espazio gisa bultza ditzan liburutegiak, herritarrek alfabetatze digitala eta informazioa lortzeko gaitasuna lor dezaten, arrakala digitala murriztea xede.

4.- SForu Exekutiboa premiatzen da Nafarroako liburutegietako profesionalei 2030eko Agendaren nahiz agenda ezartzeko estrategien gaineko prestakuntza eman diezaien.

5.- Kultura eta Kirol Departamentuari eskatzen zaio hiru hilabeteko epean Nafarroako liburutegietarako jarduketa-plan bat aurkez dezan, arrakala digitala murrizten laguntzeko bere proposamenean, azpimarra berezia jarriz toki entitateekin eduki beharreko lankidetzan eta liburuzainek kultura bitartekaritzan aritzeko beharko duten prestakuntzan.

PSN talde parlamentarioak aurkeztu du. 

PSNren, Geroa Bairen, EH Bilduren, Podemos-Ahal Duguren eta I-Eren aldeko botoekin eta Navarra Sumaren abstentzioarekin onetsi da. 

• Mozioaren eztabaida