Nafarroako Parlamentuko lehendakari Unai Hualdek ostiral honetan (martxoak 1) aurkeztuko ditu “Ekobarometroaren” emaitzak. I-Communitas taldeak egin du Foru Legebiltzarraren eta NUPen arteko hitzarmenaren esparruan.

Ingurumena dela-eta nafarrek dauzkaten pretzepzio, jarrera eta balioak biltzen dituen azterlan horren aurkezpenak jardunaldi-formatua izanen du, eta Nafarroako Parlamentuko lehendakari Unai Hualdek eta NUPeko errektoreorde Begoña Eransusek emanen diote hasiera, erabilera anitzeko aretoan, 10:00etan.

Jarraian (10:15), Sevillako Pablo Olavide Unibertsitateko ingurumen-soziologo José Manuel Echavarrenek ezagutzera emanen ditu autonomia, estatu eta Europa mailako Ekobarometroen beste esperientzia batzuk.

Ondoren (11:00), NUPeko Soziologia eta Gizarte Laneko Departamentuko irakasle Ricardo Feliúk eta I-Communitaseko ikerlari Andoni Isok 2023ko Ekobarometroaren emaitzak aztertuko dituzte, ikuspegi tekniko eta espezializatu batetik abiatuta.