Nafarroako Parlamentuak Nafarroako Gobernua premiatzen du proba diagnostikoen itxaron-zerrendak argitaratzeko legezko betebeharra bete dezan
Osoko bilkurak onetsi du. 2026ko maiatzaren 28an
1.- Nafarroako Parlamentuak Nafarroako Gobernuko Osasun Departamentua premiatzen du Osasun laguntza espezializatuko itxaronaldien bermeei buruzko uztailaren 2ko 14/2008 Foru Legearen 7. artikuluan xedatutakoa bete dezan eta, horrenbestez, hilero eman dezan informazioa, Nafarroako Gobernuaren webgunearen nahiz herritarren eskura dauden beste komunikabide ofizial batzuen bidez, paziente-kopuruari eta Osasunbidea-Nafarroako Osasun Zerbitzuaren proba diagnostikoetako batez besteko itxaronaldiari buruz Nafarroako Osasun-sistemako zentro eta zerbitzu bakoitzean.
2.- Parlamentuak Osasun Departamentuari eskatzen dio aurreko puntuan jasotakoa lau hilabeteko epean egin dezala.
UPN talde parlamentarioak aurkeztu du.
Aho batez onetsi da.