Berriak

Nafarroako Parlamentuko Osoko Bilkurak ekainaren 3ko 11/1998 Foru Legea onetsi du gaur, Batxilergoa, gradu ertaineko heziketa zikloak eta gizarte garantiako programak irakasten dituzten gizarte ekimeneko ikastetxeen finantzaketa publikoa arautzen duena.

SN, NaBai, Bildu-Nafarroa eta Izquierda-Ezkerra parlamentu-taldeek onetsitako Foru Legearen alde bozkatu dute; UPN eta PP parlamentu-taldeek ordea, kontra bozkatu dute.

Nafarroako Parlamentuko Osoko Bilkurak bi Foru Lege proposamen aintzat hartzea onetsi du gaur. Bata, Nafarroa Bai parlamentu-taldeak aurkeztu du eta Nafarroako administrazio publikoen mendeko langileei laguntza ekonomiko osagarriak ordaintzeari buruzkoada, 2012ko ekitaldian aurreikusitako erosahalmena mantentze aldera. Bestea, Bildu-Nafarroa parlamentu-taldeak aurkeztu du eta aldi baterako osagarri pertsonal bat sortzen du, 2012rako ondorioekin, erosahalmenaren galera dela-eta.

Nafarroako Parlamentuko Osoko Bilkurak Nafarroako Gobernua Parlamentu honetan Nafarroako ardibide edo abelbide izenekoetan sartutako herri-lurrak egiaz berreskuratzeko plan bat presta dezan premiatzen duen ebazpena onetsi du gaur.

SN, NaBai, Bildu-Nafarroa eta I-E parlamentu-taldeek onetsitako ebazpenaren alde bozkatu dute; UPN eta PP parlamentu-taldeek ordea, kontra.

Nafarroako Parlamentuko Osoko Bilkurak ebazpena bat onetsi du gaur, zeinaren bidez Nafarroako Gobernua premiatzen den Terrorismoaren Biktimei Laguntzeko apirilaren 28ko 9/2010 Foru Legea nahiz

Nafarroako Parlamentuak 2012ko ekainaren 14an onetsitako mozioa betez, ikastetxeetarako material didaktikoa sar dezan ETAren terrorismoak Nafarroan izandako ondorenen kontakizuna egiteko proiektuaren barruan.

UPN, SN, PP eta I-E parlamentu-taldeek onetsitako ebazpenaren alde bozkatu dute; NaBai eta Bildu-Nafarroa parlamentu-taldeek ordea, kontra bozkatu dute.

Nafarroako Parlamentuko Osoko Bilkurak ebazpen bat onetsi du gaur, zeinaren bidez “Nafarroako Parlamentuak erabat arbuiatzen” dituen “Gobernuko lehendakari Mariano Rajoyk iragarritako “doitze-neurri” deituak, Aurrekontuen Egonkortasuna Bermatzeko eta Lehiakortasuna Sustatzeko uztailaren 13ko 20/2012 Errege Lege-dekretuan jasotzen direnak”.

Nafarroako Parlamentuko Osoko Bilkurak “Estatuko Gobernua eta haren Industria, Energia eta Turismo Ministerioa Garoñako zentral nuklearraren bizitza luza ez dezan premiatzen” duen ebazpena onetsi du gaur.

Ebazpenaren paragrafo hori UPN, SN, Nabai, Bildu-Nafarroa eta I-E parlamentu-taldeek onetsi dute, PP parlamentu-taldeak kontra bozkatu du.

Parlamentuko Osoko Bilkurak, SNk, Nabai-k, Bildu-k eta I-Ek alde emandako botoekin, UPNren abstentzioarekin eta PPNk kontra emandako botoarekin, Aurrekontu-egonkortasuna bermatzeko eta lehiakortasuna bultzatzeko neurriei buruzko 20/2012 Errege-lege Dekretuaren 2. artikuluaren aurka konstituziokontrakotasun errekurtsoa jartzea onetsi du gaur, sektore publikoko langileei 2012ko abenduko aparteko ordainsaria kentzeari dagokionez.

Parlamentuko Osoko Bilkurak, SNk, Nabai-k, Bildu-k eta I-Ek alde emandako botoekin eta UPNk eta PPNk kontra emandakoekin, Lan Merkatua Aldatzeko Premiazko Neurriei buruzko 3/2012 Legearen 4. eta 14. artikuluen bat eta hiru idatz-zatien aurkako konstituziokontrakotasun errekurtsoa jartzea onetsi du gaur; Konstituzioaren 7., 24.1., 28., 35. eta 37. artikuluak urratzen dituztela eta Foru Komunitatearen autonomia arloan eragiten dutela irizten baita.

Parlamentuko Osoko Bilkurak ahobatez onetsi du gaur Nafarroako Toki Administrazioari buruzko 6/1990 Foru Legea aldatzeko Foru Lege proposamena aintzat hartzea, udaletako zinegotzien eta kontzejuetako kideen boto-eskuordetzea arautze aldera, Parlamentuko Erregelamenduan ezartzen den parlamentarioentzat xedatzen den moduan.

PPNk aurkeztu duen Foru Lege proposamenaren helburua da toki entitateen erregelamendu esparrua egokitzea, Nafarroako Parlamentuko kideen ustez, Nafarroako Parlamentuko Erregelamenduan ezartzen den egoerara.

Parlamentuko Osoko Bilkurak SNk, Nabai-k Bildu-k eta I-Ek alde emandako botoekin eta UPNk eta PPNk kontra emandakoekin, Foru Lege proposamena irakurketa bakarrean onetsi du gaur, Nafarroako administrazio publikoen zerbitzuko langileen lanaldiaren arloan presako zenbait neurri hartzeari buruzko 13/2012 Foru Legea aldatzen duena, 1.628 ordutan finkatzen dena (37,5 astean); alegia, langile eta funtzionario publikoentzat xedatutako berdinak.