Berriak

Parlamentuko Osoko Bilkurak, SNk, Bildu-k, Nabai-k, I-Ek eta atxiki gabeko bi parlamentariek haren aurka emandako botoekin eta UPNk eta PPNk alde emandakoekin, jaiegunetan irekitzeari dagokionean 17/2001 Foru Legea, Nafarroan Merkataritza arautzen duena, aldatzen duen 1/2012 Foru Lege Dekretua, azaroaren 21ekoa, baliozkotzea onetsi du gaur.

Parlamentuko Osoko Bilkurak, SNk, Bildu-k, Nabai-k, PPNk, I-Ek eta atxiki gabeko bi parlamentariek haren alde emandako botoarekin eta UPNk haren kontra emandakoarekin, zergadunek gizarte-intereseko beste xede batzuetarako bideratzen duten tributuen % 0,7 arautzen duen 7/2009 Foru Legea aldatzen duen Legea onetsi du gaur.

Parlamentuko Osoko Bilkurak, SNk, Bildu-k, Nabai-k, I-Ek eta atxiki gabeko bi parlamentariek haren alde emandako botoekin eta UPNk eta PPNk kontra emandako botoekin, ebazpen bat onetsi du gaur zeinaren bidez Nafarroako Gobernua premiatzen den “administrazioaren eraikinetako fatxadetan eta barruko aretoetan legezko eskabide politiko eta sozialekin zerikusia duten pankartak, kartelak, paskinak eta bestelako mezuak jartzea galarazteko 2012ko urriaren 31n emandako aginduak baliorik gabe utz ditzan”.

Parlamentuko Osoko Bilkurak, UPNk, SNk, Bildu-k, Nabai-k, I-Ek eta atxiki gabeko bi parlamentariek haren alde emandako botoekin eta PPNk haren kontra emandako botoarekin, ebazpen bat onetsi du gaur zeinaren bidez Gobernu zentrala eta Espetxeetako Zuzendaritza Nagusia premiatzen diren “Iruñeko espetxea instalazioen erabilera optimizatzeko eta haren funtzioak arrakastaz bete ahal izateko beharrezkoak diren giza-baliabideez eta baliabide materialez hornitu dezan”.

Parlamentuko Osoko Bilkurak, SNk, Bildu-k, Nabai-k, I-Ek eta atxiki gabeko bi parlamentariek haren alde emandako botoekin eta UPNk eta PPNk haren kontra emandako botoekin, ebazpen bat onetsi du gaur, zeinaren bidez Nafarroako Gobernua premiatzen den, “krisiaren larria onartuta ere, aurrekontu-ahalegin bat egin dezan kulturaren arloan, 2013rako aurrekontuetan % 1era hurbildu ahal izateko”.

Parlamentuko Osoko Bilkurak, UPNk, SNk eta PPNk haren kontra emandako botoekin, atxiki gabeko bi parlamentarien abstentzioarekin eta Bildu-k, Nabai-k eta I-Ek haren alde emandako botoekin, mozio bat bazter utzi du gaur, zeinaren bidez Nafarroako Gobernua premiatzen zen “adieraztera Parlamentuari dagokiola, Nafarroako herriaren ordezkari demokratikoa den aldetik, Estatuarekiko harremanetan ordezkaritza politikoa izatea, Hitzarmen Ekonomikoa eta Nafarroako Foru Eraentza Berrezarri eta Hobetzeari buruzko Lege Organikoa (NFBHLO) gaurkotzeko edo aldatzeko negoziazioetan”.

Parlamentuko Osoko Bilkurak, SNk, Bildu-k, Nabai-k, I-Ek eta atxiki gabeko bi parlamentariek haren alde emandako botoekin eta UPNk eta PPNk haren kontra emandakoekin, SNk, Bildu-k, Nabai-k, Izquierda-Ezkerrak eta atxiki gabekoek 2013ko ekitaldirako Nafarroako Aurrekontu Orokorrei buruzko Foru Lege proiektuari aurkeztutako osoko zuzenketa onetsi du gaur.

Parlamentuko Osoko Bilkurak, UPNk eta PPNk haren kontra emandako botoekin, SNren abstentzioarekin eta Bildu-k, Nabai-k, I-Ek eta atxiki gabeko bi parlamentariek haren alde emandako botoekin, Bildu-k, Nabai-k, I-Ek eta atxiki gabeko bi parlamentariek zenbait zerga eta tributu neurri aldatzeko Foru Lege proiektuari aurkeztutako osoko zuzenketak bazter utzi ditu gaur.

Parlamentuko Osoko Bilkurak, UPNk, SNk eta PPNk kontra emandako botoekin eta Bildu-k, Nabai-k, I-Ek eta atxiki gabeko bi parlamentariek alde emandako botoekin, Bildu-k, Nabai-k eta I-Ek 20/2010 Foru Legea, hots, Nafarroako Foru Komunitateko Odol eta Ehun Bankua sortzen duena eta Nafarroan Giza Ehunen eta Zelulen Transfusio Sarearen antolamendua ezartzen duena, aldatzen duen Foru Lege proiektuari aurkeztutako osoko zuzenketak bazter utzi ditu gaur.

Parlamentuko Osoko Bilkurak, UPNk eta SNk alde emandako botoekin, PPNren abstentzioarekin eta Bildu-k, Nabai-k, I-Ek eta atxiki gabeko bi parlamentariek kontra emandako botoekin, lege bat onetsi du gaur zeinaren bidez Nafarroako Kontseilua edo Hezkuntzako Batzorde Nagusia eta Tokiko Kontseiluak arautzen dituen azaroaren 4ko 12/1997 Foru Legeko 4. artikulua aldatzen den, erakunde horren osaerari dagokionean.