Legebiltzarreko Osoko Bilkurak mozio bat onartu du gaur, UPN, PPN eta Voxen aldeko botoekin eta PSN, EH Bildu, Geroa Bai eta Contigo-Zurekinen abstentzioekin. Horren bidez, Parlamentua premiatzen da “NUPekiko babesa, konfiantza eta konpromisoa” adieraz dezan, eta “Nafarroako Gobernuari eskatzen zaio NUPi behar adina baliabide ekonomiko eman diezazkiola, errektoreak 2024-2025 ikasturtearen hasiera-ekitaldian adierazitako erronkei aurre egin ahal izan diezaien”.

Contigo-Zurekinek ordezteko zuzenketa bat aurkeztu du, ekimena aurkeztu duen UPNk onartu ez duena. Zuzenketa horrek jatorrizko testuaren ia berdina zen, baina funts-eskaeraren maila apalagoa zuen, Gobernuari “eskatu” ordez Gobernua “premiatu” egiten baitzuen soilik.

PSNk eta Geroa Baik beste ordezteko zuzenketa bat defendatu dute, zeinaren bidez, “NUPekiko babesa, konfiantza eta konpromisoa” adierazteaz gain, Gobernua premiatzen baitzen “NUPi urte anitzeko (2025-28) hitzarmen bat ematen jarraitzeko, bere konpromisoei aurre egin ahal izateko". Hori ere ez du onartu UPNk.

Zioen azalpenean, UPNk bultzatutako mozioak errektoreak 2024/25 ikasturtearen hasierako ekitaldian erakutsitako "kezka" aipatzen du, eta, urte anitzeko hitzarmen berriaren negoziazioaren egoerari dagokionez, bere egiten du "ikasleen hazkunde nabarmenak, Unibertsitate Sistemaren Lege Organikoaren ezarpenak (LOSU) eta Osasun Zientzien eraikin berria laster abian jartzeak eragindako erronkei, besteak beste, fidagarritasunez erantzun ahal izateko behar diren baliabideen eskaera".

Alde horretatik, eta NUPen finantzaketaren zatirik handiena Nafarroako Aurrekontu Orokorretatik datorrela jasota utzi ondoren, Unibertsitate Publikoak 1987an sortu zenetik eremu “akademikoan” nahiz “ikerkuntzan” duen “erakunde giltzarri” izaera nabarmentzen da eta Foru Komunitatearen "garapen sozial eta ekonomikoari egindako ekarpen eztabaidaezina" azpimarratzen da.

• https://parlamentodenavarra.es/eu
• Mozioa (104. NPAO, 2024-09-17koa)