Nafarroako Parlamentuak Nafarroako Gobernua premiatzen du Nafarroako Foru Komunitate osoan ezar dezan ontzien gordailu, itzulketa eta itzulerako sistema
Osoko Bilkurak onetsi du. 2026ko martxoaren 5ean
1.- Nafarroako Parlamentuak adierazten du ezen Nafarroa osoan ontzien gordailu, itzulketa eta itzulerako sistema ezartzeak aukera emanen die[la] Nafarroako toki-entitateei honako hauek agindutako bilketa bereiziaren helburuak lortzeko: Nafarroako Hondakinen Plana, Hondakinak eta Lurzoru Kutsatuak arautu eta Ekonomia Zirkularra bultzatzeko apirilaren 8ko 7/2022 Legea eta aplikatzekoa zaien Europako araudia; bereziki, Europako Parlamentuaren eta Kontseiluaren 2024ko abenduaren 19ko 2025/40 (EB) Erregelamendua, ontziei eta ontzi-hondakinei buruzkoa, zeinaren bidez aldatzen baitira 2019/1020 (EB) Erregelamendua eta 2019/904 (EB) Zuzentaraua, eta 94/62/EE Zuzentaraua indargabetzen baita.
2.- Nafarroako Parlamentuak uste du Nafarroa osoan ontzien gordailu, itzulketa eta itzulerako sistema ezartzea onuragarria izanen dela ekoizlearen erantzukizun zabalduaren sistema kolektiboentzat, aukera emanen baitie ekoizlearen erantzukizun zabaldua betetzeko eta inbertsio seguruak eta kontrolatuak eskala txikiagoan egiteko, arriskua mugatuz eta ondoren Estatuko gainerako lekuetan errepikatzeko aukera emanez.
3.- Nafarroako Parlamentuak Nafarroako Gobernua premiatzen du beharrezkoak diren erabakiak har ditzan eta ekimenak abiaraz ditzan, bere eskumenei dagokienez, Nafarroa osoan ontzien gordailu, itzulketa eta itzulerako sistema ezartzeko, eta, behar izanez gero, Nafarroako Hondakinen Plana alda dezan ontzien hondakinak biltzeko sistema hori ezartzeko.
4.- Nafarroako Parlamentuak erabaki du mozio honen ebazpenak helaraztea hondakinen bilketan eskumena duten Nafarroako toki-entitateei eta Nafarroako Hondakinen Partzuergoari, erakunde honek Nafarroa osoan ontzien gordailu, itzulketa eta itzulerako sistema ezartzearen alde duen borondatea kontuan har dezaten.
PSN, EH Bildu, Geroa Bai eta Contigo-Zurekin talde parlamentarioak aurkeztu dute.
PSN, EH Bildu, Geroa Bai eta Contigo-Zurekinek emandako aldeko botoekin, UPN eta PPNren abstentzioekin eta Talde Mistoaren eta atxikigabearen aurkako botoekin onetsi da.