Parlamentuak, osoko bilkuran gaur aho batez onetsi duen erabaki batean, Nafarroako Gobernua premiatzen du “gogoz kontrako bakardadearen aurkako foru-estrategia presta dezan, adituen aholkuak kontuan hartuta eta herritarren parte-hartzearekin”.

Onetsitako erabakiak badu bigarren puntu bat non Foru Gobernua premiatzen baita “Nafarroako Udal eta Kontzejuen Federazioarekin lan egin dezan, toki-esparruak Eskubide Sozialetako Departamentuarekin batera azter dezan zer jarduketa egin daitezkeen”.

Era berean, hirugarren atalean, Nafarroako Gobernuari eskatzen zaio “estrategia landu ondoren, plan operatibo bat diseina dezala nahi ez den bakardadeari aurre egiteko, prebentzio lanari garrantzi berezia emanez”.

Esparru horretan, Nafarroako Gobernuari eskatzen zaio “Nafarroako Zahartze Aktibo eta Osasungarriaren 2017-22 Estrategiak ezartzen dituen helburuetan aurrera egiteko beharrezkoak diren neurriak bilduko dituen premiazko plan operatiboa prestatzeko”.

Azken bi epigrafe horiek EH Bildu taldeak aurkeztutako eta ekimenaren titularra den PSNk bere gain hartutako gehitze zuzenketa baten bidez gehitu dira.

Hala ere, ez da onartu Nafarroa gehitzeko zuzenketa batek. Beraz, Foru Gobernuari eskatzen dio ebazpen honen edukia betetzeko jarduketak bi hilabeteko epean has ditzala.

PSN talde parlamentarioak sustatu du erabakia. Zioen azalpenean, administrazio publikoei deia egiten zaie gogoz kontrako bakardadeari aurre egiteko behar diren “neurri prebentiboak eta aringarriak” ezartzeko. Bizitzako inguruabarrei lotutako arazoa da: bizikide den pertsona bat hiltzeak, erretiroa hartzeak edo harreman sozialak murrizteak osasun kaskarragoa, ustekabeko mendekotasuna eta bizi-asegabetasuna eragiten dituzte.

Ildo horretan, eta Osasunaren Mundu Erakundearekin (OME) bat eginez, esan baitu gogoz kontrako bakardadea “XXI. mendeko pandemia handienetako bat” dela, ohartarazten da Nafarroan 64 urtetik goitiko 29.000 pertsona inguru bizi direla bakarrik, gizarte-profil, adin eta genero guztietakoak.

Ez dute “arrisku-profil” horretako pertsona guztiek bakardadea sentitzen, baina “pandemiak bakardade-sentimendua sortu” duela ohartarazten da. Horri aurre egiteko “beharrezkoak dira esku-hartzea eta babesa, pertsonen bizi-garapenaren arlo guztietatik babesgabetasun horri heltzeko”.

Laburbilduz, proposatzailearen hitzetan, entitate publikoek aurre egin beharreko erronka da, ez delako alferrik jotzen etorkizunean okerrera egin lezakeen osasun publikoko arazotzat.

• www.nafarroakoparlamentua.eus
• Mozioa (145. NPAO, 2021-12-17koa)