Berriak

Parlamentuko Osoko Bilkurak, UPN, SN, Nabai, Bildu eta I-Ek alde emandako botoekin eta PPNren abstentzioarekin, ebazpena onetsi du gaur Espainiako Gobernua premiatzen duena “gaur egungo beka-sistema manten dezan, aukera berdintasuna babestea eta ikasleria guztiaren inklusioa, hezkuntza bikaintasuna eta kalitatea lortzea ahalbidetuko duen eta denona den eskubidea dela ulertzen baita”.

Onetsitako ebazpena UPNk aurkeztutako eta SNk, proposatu duen taldeak, onartutako ordezkatze zuzenketa baten ondorio da.

Parlamentuko Osoko Bilkurak, UPN eta SNk alde emandako botoekin, Nabai eta PPNk abstentzioekin eta Bildu eta I-Ek kontra emandako botoekin, Foru Legea onetsi du gaur, Nafarroako Enpresa Korporazio Publikoa izeneko sozietatea sortzeari buruzko ekainaren 18ko 8/2009 Foru Legea aldatzen duena.

8/2009 Foru Legea enpresa publikoen kopurua 13ra murrizteko eta Nafarroako Enpresa Korporazio Publikoaren, S.M.P.aren, holdingean haien parte hartzea bateratzeko helburuarekin promulgatu zen.

Nafarroako Parlamentuko Osoko Bilkurak herriaren legegintza-ekimena arautzen duen 3/1985 Foru Legea eta Nafarroako udalen legegintza-ekimena arautzen duen 4/1985 Legea aldatzen dituen Foru Lege proposamena aintzat hartzea ahobatez onetsi du gaur.

SNk aurkeztutako Foru Lege proposamenak helburu du afera publikoetan parte hartzeko eskubidearen egiazko gauzatzea sendotzea, Nafarroako herritarrei bizitza parlamentarioan “zuzenago eta eraginkorrago” parte hartzeko bidea emanez.

Parlamentuko Osoko Bilkurak UPN, SN, Nabai, Bildu eta I-Ek alde emandako botoekin eta PPNk kontra emandakoarekin ebazpena onetsi du gaur, Espainiako Gobernua premiatzen duena “behar diren lege-mekanismoak eta arauak artikula ditzan, Nafarroako Gobernuko ordezkariak Espainiako Gobernuko ordezkariekin batera joan daitezen Ekonomia eta Finantza Kontseiluaren (ECOFINen) bilkuretara, Nafarroako Foru Komunitatearen eskumena diren arlo fiskalekin lotutako gaiak aztertzen direnean”.

Parlamentuko Osoko Bilkurak Foru Legea ahobatez onetsi du gaur, zeinaren bidez Nafarroako Osasun Mentaleko abenduaren 13ko 21/2010 Foru Legea aldatzen den. Foru Legearen bidez aldaketa terminologiko bat egin nahi da ‘okupazio-monitore’ terminoa sartzeko, ez baitago ‘okupazio-terapeutak’ izendaperik, eta horrela egitura organikoaren osaeran interpretazio okerrak saihesteko.

Era honetan, Nabai-k aurkeztutako Foru Lege proposamenak 21/2010 Legeko 1. artikuluko lehenengo idatz-zatiko j atala aldatzen du, honela idatzita geratzen dena:

Parlamentuko Osoko Bilkurak ahobatez onetsi du gaur Nafarroako Gobernua “Drogamenpekotasunen II. Plana Ganberan aurkez dezan eta jakitera eman dezan, bai eta planaren jarduera eremua zein berori garatzeko aurreikusitako faseak zehatz ditzan” premiatzen duen ebazpena.

Zioen azalpenean, I-Ek bultzatutako mozioak argudiatzen du Drogamenpekotasunen Foru Plan Berria egiteko fasea 2010eko ekainan bukatu zen arren, oraindik ez dela “ez planaren edukia ez abian jartzeko egutegia ere” aurkeztu.

Parlamentuko Osoko Bilkurak Nafarroako Gobernua “hilabete bateko epean ikus-entzunezkoen produkziorako dirulaguntzak emateko irizpideak argitu ditzan” premiatzen duen ebazpena ahobatez onetsi du gaur.

Onetsitako ebazpenak bigarren puntu bat du, zeinetan halaber, Nafarroako Gobernua premiatzen den “ikus-entzunezkoen sektoreko lanpostuak babesteko ahalegina egin dezan, gaur egun sektore horren egoera zaila eta ahula baita”.

Parlamentuko Osoko Bilkurak Osasun Departamentua “gaixo kronikoentzako estrategia orokor bat taxutu dezan” premiatzen duen ebazpena ahobatez onetsi du gaur.

Estrategia hori, bigarren puntu batean adierazten denez, “urtebeteko epean aurkeztuko zaio Nafarroako Parlamentuari, eztabaidatu eta onets dezan”.

Parlamentuko Osoko Bilkurak ebazpena onetsi du gaur, SN, Nabai, Bildu eta I-Ek haren alde emandako botoekin eta UPN eta PPNk haren kontra emandako botoekin, zeinaren bidez Espainiako Gobernua premiatzen den “garatuko duen Gardentasun Lege proiektuan beharrezko diren lege-mekanismoak sar ditzan ezagutu daitezen Erregeak kargua duen GKEtan jasotako diru-sarreren zenbatekoa eta bere familia eta Errege-etxea mantentzeko diru-sarrerak, errentak eta soldatak barne”.

Parlamentuko Osoko Bilkurak onetsi du gaur, SN, Nabai, Bildu (5) eta I-Ek haren alde emandako botoekin, UPN eta PPNk haren kontra emandako botoekin eta Bildu-ren bi abstentziorekin, Ganberak “Giza Eskubide eta Herritartasunerako Hezkuntza arloa eta ikasgaia Lehen Hezkuntzako eta Bigarren Hezkuntzako curriculumetik kentzearen aurka dagoela, eta Gobernu zentralari manten dezala eskatzen diola” adierazten duen ebazpena.