Berriak

Parlamentuko Osoko Bilkurak, UPNk, SNk, Bildu-k, Aralar-Nabaik, I-Ek eta atxiki gabeko bi parlamentariek haren alde emandako botoarekin eta PPNk haren kontra emandakoarekin, ebazpen bat onetsi du gaur zeinaren bidez Parlamentuak adierazten duen “bere ustez beharrezkoa dela lanaren banaketara bideratutako politika publikoak eta pribatuak definitzea eta aplikatzea, eta bere jarrera horren aldekoa dela, lehentasuna emanez pertsona guztiek lana edukitzeko duten eskubideari eta dagoen lanaren gaineko plangintza solidarioa egiteari”.

Parlamentuko Osoko Bilkurak, SNk, Bildu-k, Aralar-Nabaik, I-Ek eta atxiki gabeko bi parlamentariek haren alde emandako botoekin eta UPNk eta PPNk haren kontra emandako botoekin, osasun-arreta jarraituari eta larrialdikoari buruzko Foru Legea onetsi du gaur. Ondorioz, abenduaren 19ko 131/2012 Foru Dekretua indargabetzen da, zeinaren bidez arautzen baitira landa eremuetako oinarrizko osasun laguntzako osasun zentroen, arreta jarraituko eta larrialdiko arretako guneen eta arreta jarraituko eta larrialdiko arretako modalitateen ordutegia eta funtzionamendua.

Parlamentuko Osoko Bilkurak, UPNk, SNk, Nabai-k, Bildu-k, I-Ek eta atxiki gabeko bi parlamentariek haren alde emandako botoekin eta PPNk haren aurka emandako botoarekin, Espainiako Gobernua “eskola materialaren gaineko BEZaren igoera, 20/2012 Errege Lege Dekretuan aurreikusia, bertan behera utz dezan” premiatzen duen ebazpena onetsi du gaur.

Parlamentuko Osoko Bilkurak, SNk, Bildu-k, Nabai-k, PPNk, I-Ek eta atxiki gabeko bi parlamentariek haren alde emandako botoekin eta UPNren abstentzioarekin, Nafarroako Gobernua “departamentu desberdinetan bete diren planen emaitzak ebaluatzeko programa bat gara dezan” premiatzen duen ebazpena onetsi du gaur.

Onetsitako ebazpenak bigarren puntu bat du non, halaber, Nafarroako Gobernua “foru araudian planak ebaluatzeko betebeharra sar dezan” premiatzen den.

Parlamentuko Osoko Bilkurak ebazpen bat aho batez onetsi du gaur, zeinaren bidez Nafarroako Gobernua premiatzen den “egin beharreko zuzemenak egin ditzan, 2013ko ekinetik azarora bitarteko hilabeteetan egite aldera Ledeako zubia sendotzeko obrak, zeinak, Sustapeneko kontseilariak urriaren 25eko eta azaroaren 8ko osoko bilkuretan adierazitakoaren arabera, soilik bitarte horretan egin baitaitezke, eta ez beste edozein urtealditan”.

Parlamentuko Osoko Bilkurak ebazpen bat aho batez onetsi du gaur, zeinaren bidez Nafarroako Gobernua premiatzen den “beharrezkoak diren neurri guztiak diseinatu eta abian jar ditzan eskola-porrota eta –uztea pixkanaka txikitu eta desagerrarazte aldera eta, horretarako, desberdintasunak konpentsatzeko eta aniztasunari erantzuteko politikak bultza ditzan, ikasle guztiek eskola-arrakasta lor dezaten, kontuan hartu gabe haien jatorria, sexua, arraza, erlijioa edo egoera soziala”.

Parlamentuko Osoko Bilkurak, UPNk, SNk eta PPNk haren alde emandako botoekin eta Bildu-k, Nabai-k, I-Ek eta atxiki gabeko bi parlamentariek haren kontra emandako botoekin, 20/2010 Foru Legea aldatzen duen Foru Legea onetsi du gaur, aurrerantzean Nafarroako Odol eta Ehun Bankua sortzen eta arautzen duena deituko dena.

Parlamentuko Osoko Bilkurak, UPNk eta PPNk haren alde emandako botoekin, Bildu-ren, Nabai-ren, I-Eren eta atxiki gabeko bi parlamentarien abstentzioarekin eta SNk haren alde emandako botoarekin, sozialistek iruzur fiskalaren aurkako tributu-neurriei buruzko Foru Lege proiektuari aurkeztutako osoko zuzenketa, ordezko testua zuena, bazter utzi du gaur.

Gobernuak bultzatutako Lege proiektua atzerrian ondasunak ezkutatzearen aurkako borrokari eta Ogasunari ordaintzearen ardura hedatzeari dagokio.

Parlamentuko Osoko Bilkurak, UPNk eta PPNk haren kontra emandako botoekin, SNren abstentzioarekin eta Bildu-k, Nabai-k, I-Ek eta atxiki gabeko bi parlamentariek haren alde emandako botoekin, Nafarroako poliziei buruzko 8/2007 Foru Legea aldatzeko lege proposamena aintzat hartzea bazter utzi du gaur.
 

Bildu parlamentu-taldeak bultzatutako Foru lege proposamenaren helburua “euskarari dagokionean indarrean dagoen araudiarekiko errespetua” sartzea zen, berdintasunari, bereizgarriei, sinestamenduei, agurrei eta ohoreei buruzko arauak ematerakoan.