Berriak

Parlamentuko Osoko Bilkurak, UPNk eta PPNk alde emandako botoekin, SNren abstentzioarekin eta Bildu-k, Nabai-k, I-Ek eta atxiki gabeko bi parlamentariek kontra emandako botoekin, ebazpen bat onetsi du gaur zeinaren bidez Nafarroako Gobernua premiatzen den “Nafarroako Foru Komunitatean egiten diren ekitaldi solemneetan Espainiako ereserkia ere jo dadin, Nafarroako ereserkiaz gain”.

Parlamentuko Osoko Bilkurak ebazpen bat ahobatez onetsi du gaur, zeinaren bidez Nafarroako Gobernua premiatzen den “ ‘Fundación Tutelar de Navarra’ fundazioarekin lankidetza-hitzarmen bat sina dezan, fundazioari egonkortasuna eta jarraitutasuna ematea bermatuko duena”.

Onetsitako ebazpenak bigarren puntu bat du non, halaber, Foru Komunitateko Gobernuari dei egiten zaion “tutoretza Gizarte Zerbitzuen Zorroan zerbitzu bermatu gisa baloratzera”.

Onetsitako ebazpena talde guztiek sinatutako eta PPNk (ekimenaren titularra) onartutako ordezkatze zuzenketa baten ondorio da.

Parlamentuko Osoko Bilkurak, SNk, Bildu-k, Nabai-k, PPNk, I-Ek eta atxiki gabeko bi parlamentariek alde emandako botoekin eta UPNk kontra emandako botoarekin, ebazpen bat onetsi du gaur zeinaren bidez Nafarroako Gobernua premiatzen den “beka- eta laguntza-sistema bat ezar dezan eskola-material suntsikorra eta/edo osagarria erosten laguntzeko, testuliburuen doakotasunari buruzko programaren onuradun diren ikasleentzat, baldin eta frogatzen badute zailtasun ekonomikoak dituztela eskola-material hori erosteko”.

Parlamentuko Osoko Bilkurak, UPNk, SNk, Bildu-k, PPNk, I-Ek eta atxiki gabeko bi parlamentariek alde emandako botoekin eta Nabai-k aurka emandako botoarekin, Nafarroako ekintzaileei eta lan autonomoari laguntzeari buruzko Foru Lege proposamena aintzat hartzea onetsi du gaur.

Socialistas de Navarra parlamentu-taldeak aurkeztutako Foru Lege proposamenaren helburua da “Nafarroako Foru Komunitatearen eskumenen esparruan, lan autonomoa guztiz eta eraginkortasunez bultzatzera orientatutako politika publikoak garatzea, Nafarroako enpresa-ehundura garatzeko tresna gisa”.

Parlamentuko Osoko Bilkurak, UPNk eta PPNk kontra emandako botoarekin, SNren abstentzioarekin eta Bildu-k, Nabai-k, I-Ek eta atxiki gabeko bi parlamentariekin, Euskarari buruzko abenduaren 15eko 18/1986 Foru Legea aldatzen duen Foru proposamena aintzat hartzea bazter utzi du gaur.

Parlamentuko Osoko Bilkurak ahobatez onetsi du gaur bermatutako prestazio sozialak eta ikasketetarako bekak enbargaezinak deklaratzen dituen Foru Lege proposamena aintzat hartzea.

Parlamentuko Osoko Bilkurak, UPNk, SNk eta PPNk aurka emandako botoekin, Bildu-ren, I-Eren eta atxiki gabeko bi parlamentarien abstentzioarekin eta Nabai-k alde emandako botoarekin, terrorismoaren biktimak laguntzeari buruzko 9/2010 Foru Legea aldatzen duen Foru Lege proposamena aintzat hartzea bazter utzi du gaur.

Nabai-k aurkeztu duen Foru Lege proposamenaren helburua zen “etorkizuneko bizikidetasunari begira Nafarroa arau-erreferentzia batekin hornitzea”; era horretan, “zio politikoko indarkeriaren inongo biktimarik” “baztertua” ez sentitzeko.

Parlamentuko Osoko Bilkurak, UPNk eta PPNk kontra emandako botoekin, SNren abstentzioarekin eta Bildu-k, Nabai-k, I-Ek eta atxiki gabeko bi parlamentariek alde emandako botoekin, mozio bat bazter utzi du gaur, zeinaren bidez Nafarroako Gobernua premiatzen den “hitzarmen bana sina dezan udalekin, udalek obren finantzaketaren ehuneko ehun aurreratzeko ahalmena izan dezaten, ahalik eta obra kopururik handiena egitea helburu. Hitzarmen horrek ziurtatuko du 2013ko ekitaldian zehar –edo, salbuespen gisa, 2014an zehar– itzuliko dela planak diruz lagundutako zenbatekoa”.

Parlamentuko Osoko Bilkurak, UPNk eta PPNk kontra emandako botoekin, SNren abstentzioarekin eta Bildu-k, Nabai-k, I-Ek eta atxiki gabeko bi parlamentariek alde emandako botoekin, “Nafarroa osoan euskal hiztunen hizkuntza eskubideak errespeta ditzan” premiatzen duen ebazpena bazter utzi du gaur.

Mozioak bigarren puntu bat zuen, halaber, Foru Komunitateko Gobernua premiatzen zuena “Nafarroa osoan D ereduaren eskaintza zabaltzera, D ereduan izena eman nahi duten familiek horretarako eskubidea eta aukera izan dezaten”.

Parlamentuko Osoko Bilkurak, SNk, Bildu-k, Nabai-k, I-Ek eta atxiki gabeko bi parlamentariek alde emandako botoekin eta UPNk eta PPNk kontra emandakoekin, ebazpena onetsi du gaur, zeinaren bidez Nafarroako Gobernua premiatzen den “gure autogobernua eta osasun arloan dituen eskumenak defenda ditzan eta estaldura unibertsaleko osasun laguntza ziurta diezaien gure erkidegoan bizi diren pertsona guztiei, bai Gizarte Segurantzan kotizatu ez duten hogeita sei urtetik gorako pertsonei, bai etorkin guztiei, zein den ere haien lege nahiz administrazio egoera”.