Berriak

Parlamentuko Osoko Bilkurak ahobatez onetsi du gaur Nafarroako Gobernua “Nafarroako konkistaren bosgarren mendeurrenaren oroitzapenezko programa burutzeko orduan 2008an eta 2010ean aurkeztutako mozioetako erabaki proposamenei dagokienez hartutako akordioak bete ditzan” premiatzen duen ebazpena.

Onetsitako ebazpenak bigarren puntu bat du, non Nafarroako Parlamentuak “errepikatzen” duen “historialariei dagokiela gertakariak zehaztea eta zentzu horretan egindako esfortzuengatik eskerrak ematen dizkie bai eta errespetua adierazten”.

Parlamentuko Osoko Bilkurak, UPN, SN eta PPNk alde emandako botoekin eta Nabai, Bildu eta I-Ek kontra emandako botoekin, ebazpena onetsi du gaur, zeinaren bidez Espainiako Gobernua premiatzen den “beharrezkoak diren izapideak eta lege-prozedurak has eta buka ditzan zezenketak Interes Kulturaleko Ondasuntzat hartuak izateko eta Nafarroako Kultur Ondarearen parte bihurtzeko”.

Parlamentuko Osoko Bilkurak UPN, SN eta PPNk kontra emandako botoekin, Nabai-ren abstentzioarekin eta Bildu eta I-Ek alde emandako botoekin, Bildu eta I-E parlamentu-taldeek Gardentasunari eta Gobernu Irekiari buruzko Foru Lege proiektuari aurkeztutako bi osoko zuzenketak bazter utzi ditu.

Gobernuak garatutako Lege proiektuaren helburua da arau bakarrean ezaugarri eta “oinarrizko” printzipio ezberdinak biltzea Administrazio Publikoan zein Gobernuan “herritarrekin gardentasunean oinarritutako erlazio era berri” bat ezartzeko.

Parlamentuko Osoko Bilkurak ahobatez onetsi du gaur Nafarroako Gobernua “sei hilabeteko epean titulartasun publikoko museoak eta kultur zentroak asteburuetan zabalik egon daitezen plan bat egin dezan; betiere aurrekontu baliabideek bide ematen dutenaren arabera” premiatzen duen ebazpena. Baliabide ekonomikoen inguruko aipamena SNk idatzitako eta PPNk onetsitako gehitze zuzenketa baten ondorio da.

Parlamentuko Osoko Bilkurak, SN, Nabai, Bildu eta I-Ek alde emandako botoekin eta UPN eta PPNk aurka emandako botoekin, Nafarroako Gobernua “2013. Urtetik aurrera haurdunaldiaren borondatezko etetea osasun sistema publikoan eskain dezan, eta 2012 amaitzerako zerbitzu hori eman ahal izateko beharrezko neurriak har ditzan” premiatzen duen ebazpena onetsi du gaur.

Parlamentuko Osoko Bilkurak, SN, Nabai, Bildu eta I-Ek alde emandako botoekin eta UPN eta PPNk kontra emandako botoekin, ebazpena onetsi du gaur zeinaren bidez Ganberak “Nafarroak Euskal Autonomia Erkidegoaren eta Akitaniaren arteko Euroeskualdean parte hartzearen aldeko nahia adierazten duen”.

Onetsitako ebazpenak bigarren puntu bat du, non Nafarroako Gobernua premiatzen den “lehenbailehen egin ditzan egin beharreko ekintza guztiak, Nafarroako Foru Komunitatea Euroeskualde horretan egotea ziurtatzeko”.

Parlamentuko Osoko Bilkurak, UPN, SN, Nabai, Bildu eta I-Ek alde emandako botoekin eta PPNk kontra emandako botoarekin, ebazpena onetsi du gaur, zeinaren bidez Espainiako Gobernua premiatzen den “ez ditzan beherantz berrikus edo alda gaur egun jasotzen diren langabezia-prestazioak Espainiako Gobernuko lehendakariak iragarritako doitze-neurri berriei begira, zeinak 2012rako Espainiako Aurrekontu Orokorretan jasoko baitira”.

Parlamentuko Osoko Bilkurak, UPN, SN, Nabai, Bildu eta I-Ek alde emandako botoekin eta PPNren kontrako botoarekin, Espainiako Gobernua “Doako Justizia finantzatzeko arrazoiarekin tasa judizialak igo ez ditzan eta berriak ezar ez ditzan” premiatzen duen ebazpena onetsi du gaur; “herritarren Doako Justiziarako sarbidea berdintasun egoeran izateko eskubidea urratu dezakeela ulertzen baita; babes judizialaren printzipio konstituzionala urratuko lukeena, gainera Nafarroan Doako Justizia Foru Komunitateko eskumena izanik”.

Parlamentuko Osoko Bilkurak, UPN, SN, Nabai eta PPNk alde emandako botoekin eta Bildu eta I-Eren abstentzioekin, baliabiderik gabeko zordun hipotekarioak babesteko tributu-neurriei buruzko Foru Legea onetsi du gaur.

Legeak Nafarroako Foru Komunitaterako egokitzen du martxoaren 9ko 6/2012 Errege Lege-dekretuaren edukia, neurriak ezartzen dituena hipoteken betearazpenerako prozedurak malgutzeko, gizartean bazterturik gelditzeko arriskuan dauden pertsonen kasuan etxebizitzaren utzarazpenak dakartzan arazoak arindu nahian.