Berriak

Parlamentuko Osoko Bilkurak, UPNk eta PPNk kontra emandako botoekin, SNren abstentzioarekin eta Bildu-k, Nabai-k, I-Ek eta atxiki gabeko bi parlamentariek alde emandako botoekin, mozio bat bazter utzi du gaur, zeinaren bidez Nafarroako Gobernua premiatzen den “hitzarmen bana sina dezan udalekin, udalek obren finantzaketaren ehuneko ehun aurreratzeko ahalmena izan dezaten, ahalik eta obra kopururik handiena egitea helburu. Hitzarmen horrek ziurtatuko du 2013ko ekitaldian zehar –edo, salbuespen gisa, 2014an zehar– itzuliko dela planak diruz lagundutako zenbatekoa”.

Parlamentuko Osoko Bilkurak, UPNk eta PPNk kontra emandako botoekin, SNren abstentzioarekin eta Bildu-k, Nabai-k, I-Ek eta atxiki gabeko bi parlamentariek alde emandako botoekin, “Nafarroa osoan euskal hiztunen hizkuntza eskubideak errespeta ditzan” premiatzen duen ebazpena bazter utzi du gaur.

Mozioak bigarren puntu bat zuen, halaber, Foru Komunitateko Gobernua premiatzen zuena “Nafarroa osoan D ereduaren eskaintza zabaltzera, D ereduan izena eman nahi duten familiek horretarako eskubidea eta aukera izan dezaten”.

Parlamentuko Osoko Bilkurak, SNk, Bildu-k, Nabai-k, I-Ek eta atxiki gabeko bi parlamentariek alde emandako botoekin eta UPNk eta PPNk kontra emandakoekin, ebazpena onetsi du gaur, zeinaren bidez Nafarroako Gobernua premiatzen den “gure autogobernua eta osasun arloan dituen eskumenak defenda ditzan eta estaldura unibertsaleko osasun laguntza ziurta diezaien gure erkidegoan bizi diren pertsona guztiei, bai Gizarte Segurantzan kotizatu ez duten hogeita sei urtetik gorako pertsonei, bai etorkin guztiei, zein den ere haien lege nahiz administrazio egoera”.

Parlamentuko Osoko Bilkurak ebazpen bat ahobatez onetsi du gaur, zeinaren bidez Nafarroako Gobernua premiatzen den “sei hilabeteko epean hezkuntza dotazio publikoen plan bat aurkez dezan –azpiegiturak eta baliabideak eraikitzeari dagokionez- gaur egun dauden eta epe ertain eta luzean egonen diren eskolatze-premiei erantzuteko, Sarrigurengo herrian, eskola-adinean dagoen biztanleriaren premien arabera eta Sarrigurengo udalez gaindiko proiektu sektorialean jasotako dotazio-konpromisoen arabera”.

Parlamentuko Osoko Bilkurak Nafarroako Ogasunaren kontu publikoen “egiazko egoera” aztertze aldera, ikerketa batzorde bat sortzeko proposamen bana bazter utzi ditu gaur.

Lehenengoa, Bildu-k, Nabai-k eta I-Ek proposatu dutena, UPNk, SNk eta PPNk haren kontra emandako botoekin eta proposatu duten hiru parlamentu-taldeek eta atxiki gabeko bi parlamentariek haren alde emandako botoekin bazter geratu da.

Parlamentuko Osoko Bilkurak, aldibereko eta isilpeko bozketaren bidez, Legebiltzarrari proposatzea dagokion hiru kideak hautatu ditu, ondoren Nafarroako Gobernuko lehendakariak Nafarroako Kutxako Kontseilu Nagusiaren kide izendatuko dituenak.

José Antonio Asiáin Ayala, Miguel Ángel Pozueta Uribe-Echeverría (biek 28 boto) eta Pablo Ibáñez Olcoz (12) izan dira hautatuak. Lehengo biak PSNk proposatu ditu eta hirugarrena Bildu eta Nabai parlamentu-taldeek. 10 boto txuri egon dira.

Parlamentuko Osoko Bilkurak, SNk, Bildu-k, Nabai-k, I-Ek eta atxiki gabeko bi parlamentariek alde emandako botoekin eta UPNk eta PPNk kontra emandakoekin, testu liburuak eta material didaktikoa finantzatzeari buruzko Foru Lege proiektuari aurkeztutako osoko zuzenketa onetsi du gaur; era horretan gobernuari itzuli zaiona.

Parlamentuko Osoko Bilkurak, UPNk, SNk eta PPNk alde emandako botoekin eta Bildu-k, Nabai-k, I-Ek eta atxiki gabeko bi parlamentariek kontra emandako botoekin, bazter utzi ditu gaur 2013. eta 2014. aurrekontu-ekitaldietarako toki ogasunek Nafarroako tributuetan parte hartzeko duten funtsaren zenbatekoa eta banatzeko formula ezartzen dituen Foru Legeari aurkeztutako osoko zuzenketak.
 

Parlamentuko Osoko Bilkurak, UPNk eta PPNk kontra emandako botoekin, SNren eta atxiki gabeko bi parlamentarien abstentzioarekin eta Bildu-k, Nabai-k eta I-Ek alde emandako botoekin, Nafarroako Gobernuko kideen ordainsari osagarriak bertan behera uzteari buruzko Foru Lege proposamena aintzat hartzea bazter utzi du gaur.

Bildu-Nafarroak aurkeztutako Foru Lege proposamenak “soiltasunaren argudiopean ongizate estatuaren zutabeak kolpatuak eta eraitsiak” ez izatea zuen helburu, irizpide hori bera “errenta handienak dituzten pertsonei eta entitateei” aplikatuta.

Parlamentuko Osoko Bilkurak, SNk, Bildu-k, Nabai-k, I-Ek eta atxiki gabeko bi parlamentariek alde emandako botoekin eta UPNren eta PPNren abstentzioekin, Pertsona Fisikoen Errentaren gaineko Zergari buruzko Foru Legearen Testu Bategina aldatzen duen Foru Lege proposamena aintzat hartzea onetsi du gaur.