Nafarroako Parlamentuko lehendakariak, Elena Torres Miranda andreak, harrera egin dio Nafarroarako saharar ordezkari Ahmed Salama jaunari, zeinak Brahim Salem ordezten baitu ordezkaritza-zereginetan.
Nafarroako Parlamentuak aurki ikasmaterial berriak prestatuko ditu, Lehen eta Bigarren Hezkuntzako irakasleei eta ikasleei zuzendurikoak, Nafarroako ikasleen artean Legebiltzarraren jarduerak eta, oro har, balio demokratikoak ezagutarazteko asmoz.
Parlamentu-taldeek 998 zuzenketa aurkeztu dizkiote, gaur amaitzen den epearen barrenean, 2008ko Nafarroako aurrekontu orokorrei buruzko Foru Lege proiektuari.
Parlamentuan ordezkatuta dauden indar politikoetako ordezkariek eta "Pobreziarik ez Nafarroan" plataforma osatzen duten erakundeetako kideek Pobreziaren aurkako Nafarroako ituna sinatu dute gaur Nafarroako Parlamentuan, Legebiltzarreko egoitzako erakunde-aretoan eginiko ekitaldi batean.
Mahaiak eta Eledunen Batzarrak presako bilera egin dute gaur –larunbata, abenduak 1–, 13:30ean, Capbretonen (Frantzia) guardia zibil bat erail eta beste bat zauritu izana gaitzesteko.
Nafarroako Parlamentuko Mahaiak eta Eledunen Batzarrak izapidetzeko onartu dute 2008ko ekitaldirako Nafarroako aurrekontu orokorrei buruzko Foru Lege proiektua, gaur, astelehena, azaroak 26, 13:30etik aurrera eginiko bilkuran.
Nafarroako Parlamentuak, 2007ko azaroaren 22an egindako Osoko Bilkuran, Estatuaren eta Nafarroako Foru Komunitatearen arteko Hitzarmen Ekonomikoa aldatzeko erabakia onetsi zuen. Aldaketa hori 2007ko azaroaren 5ean sinatu zuten Nafarroako Gobernuak eta nazioko Gobernuak.
